總網頁瀏覽量

2007年11月30日 星期五

香港三字經 (2)

 


·     姿姿整 - 有環境 (露出馬腳)





·     咁人齊 - 等發圍 (同心協力)





·     趁佢病 - 囉佢命 (趕盡殺絕)





·    出嚟威 - 識搶咪 (要懂得爭取機會)





·    唔想衰 - 埋大堆 (圍結就是力量)





·     有異性 - 無人性 (見色忘義)





·     有殺錯 - 冇放過 (寧枉莫縱)





·     有胸毛 - 出嚟蒲 (惡人形象)





·     聽唔明 - 扮純情 (裝模作樣)





·     懶癡纏 - 博可憐 (做戲咁做)





·     大笪地 - 食自己 (大笪地,香港平民夜


    總會,擺檔者都是自食其力之人)





·     眼光光 - 等天光 (失眠,滿懷心事)





·     印印腳 - 等人約 (無所事事)





·     有斷估 - 冇痛苦 (難得糊塗)





·     撚雀籠 - 遲早窮 (敗家仔的形象)





·     人工高 - 冇祕撈 (祕撈,祕密地去做兼職)





·     唔夠班   - 執二攤(未夠斤兩)





·     跟老頂 - 有得醒(老頂,大哥大之輩;



    醒,有好處和著數)





·     著草鞋- 有排捱(著草,是黑語,


    即走路的意思)






·     走得快 - 好世界 (童年時順口溜)





·     走得摩 - 冇鼻哥(鼻哥即鼻樑也;意謂走


得慢者,沒好下場)





·     你老竇 - 大水牛(童年時罵人的順口溜)





·     你老母 - 大風爐(也是童年時的罵人順口溜)





·     大肚Dum - 冇良心 (童年時順口溜)





·     大欺細 - 俾屎餵(欺,讀「蝦」音)





·     有Background - 冇困難(Background,


    人事背景的意思)





·     有Quali    - 大餐史(Quality指資歷聲望;


    餐史,英文字Chance,機會的意思)





·     密響Call - 冇甩拖 (將勤補拙)





·     手指指 - 扮FAN屎 (扮熟絡狀,FAN屎,


     超級歌迷影迷)





·     起大屋 - 靠表叔 (表叔,中國大陸幹部之稱,


此句意思是想在大陸發達,買田買地,非依靠高幹


    不可為也)





·     十十吓- 拉頭馬 (「十」即「霎」,香港人極為抵死的


用語。一個人「霎」吓「霎」吓,表示一個人渾渾噩噩,


此句的意思是傻人有傻福,胡里胡塗,無端端發達
)





·     中間界 - 騎喱怪(中間界指中間分界的髮型,騎喱怪,


正字是「騎籬蟈」,意為形象標奇立異古怪出位之人。


    騎籬,  是伏在籬笆上的意思;蟈,是一種墨綠色的蛙類動物
)





·     唔夠皮 - 無面俾 (皮,即「皮費」,經營開支洗費。唔夠



錢用時,甚麼人也不賣帳)





·     二三線 - 好難變(二三線指不是主角的次級貨色。此句語是


不好的東西很難會變好的)





·     係咁易 - 戴撈屎(表示囂張,撈屎,勞力士金錶也)





·     冇啦啦 - 整笪疤(「疤」讀「啦」音, 意謂畫蛇添足)





·     白白淨 - 冇性病(稱讚女孩子的美言, 但帶有邪念)





·     人嚇人 - 好易暈(廣東俗語云:人嚇人無藥醫. 意思謂


俾人嚇慘過俾鬼嚇)





·     穩穩陣 - 做半份 (安全第一,辦事不要博得太盡)




·     手頭緊 - 賣白粉 (狗急跳牆,不擇手段,不理後果)




·     吹吹水 - 唔抹嘴 (吹水,口沫橫飛,愛吹牛皮)





·     趁你病 - 撻你訂 (撻定,是地產買賣術語,放棄交易


之意,全句解乘人之危落井下石)





·     唔用腦 - 等運到(批評那些靠好彩不靠辛勤努力之輩)





·     癲癲地 - 唔識死 (不知天高地厚)





·     賺快錢 - 炒孖展 (孖展,高風險的投資方法,如同


賭博,可以發大達,又可傾家蕩產)





·     過大海 - 博好彩(大海,指澳門,香港人假期喜歡到澳


門賭場搏殺)




·     口水多 - 無尿屙(指喜歡發表偉論的人,香港俗語有云:


口水多過茶,口水多到連尿也沒有,其吹水程度之厲害可想而知
)





·     當我流 - 拋浪頭(流,即假嘢,非真材實料,拋浪頭即靠


吹牛皮,靠嚇
)





·     出嚟混- 無責任 (指吊兒郎噹,不負責任之人)





·    
日本船 - 遲早完(「丸」日文解「號」,故此日本輪船


多寫上「××丸」,「完」是「丸」的諧音, 全句的意思是事情


很快便會失敗)







17 則留言:

  1. 有啲未聽過既

    回覆刪除
  2. 笑到我收唔到聲..

    回覆刪除
  3. Marvellous, it is the total recall my home tongue. Many thanks for the collection. My salute to you.

    回覆刪除
  4. 好正! 好抵死, 好地道. 會唔有呢句: 住西環, 捱到殘? (以前西環有好多咕哩?)

    回覆刪除
  5. 贈多你一句, 黃子華: 唔使騰, no problem!

    回覆刪除
  6. 日本船-池早丸中的〝丸〞字,正確的廣府音是〝元〞,〝苑〞祗是語音,即俗音.......

    回覆刪除
  7. I can't believe you can know so much. I only know a few. Did you search a lot books before you paste them here?

    回覆刪除
  8. "放飛機" 由來

    何謂放飛機呢?話說舊香港。有一日,就要上演飛機飛行。香港有史以來第一次有飛機睇!仲要部水上飛機添!全香港萬眾期待:有人要放飛機睇啊!第一日到來, 因為打風,得開,眾人失望而歸;第二日,天朗氣清,各人以為有睇,點知個飛機師病,要推到第三日。而第三日呢,到部機個引擎出事,修理唔到。跟住就 ──bye bye喇!所以人就用放飛機形容講去做,又唔做人行為!

    回覆刪除
  9. "巴閉"由來

    "巴閉"來自廣州話,好耐好耐以前系學習自印度話,漢朝既時候廣州已經同東南亞及中東等國家人民做生意, D 印度商人好鬼嘈,成日叫:"BAP RE, BAP RE!",呢句意思"我的天呀!",於是廣洲人就學地講 ,講下講下就變成今日"巴閉"喇!

    回覆刪除
  10. 疴畢甩:疴blood(疴血) 如果遇上麻煩、辣手難題、或者死路一條, 就會自嘆一句:「呢一鑊真係疴畢甩!」 「畢甩」來自英文「blood」, 在腸癌橫行的今天,「疴血」都咪話唔大鑊! 例句:「吓?你架Civic仔撞爛人哋架法拉利?你今次真係疴畢甩!」

    回覆刪除
  11. 仆街:Poor guy(粗劣的人) 「仆街」經常被人誤以為是「動詞」:咀咒對方「仆喺條街度!」 其實「仆街」是名詞,來自英文的「Poor guy」。 「Poor」不是「貧窮」的意思,而是「粗劣、低俗、破爛」的意思。 例句:「呢條友連80歲啊婆沖涼都裝!正一仆街!」

    回覆刪除
  12. 香港人口中常用的一些廣東話形容詞和動詞, 其實是源自英文

    1. 派頭(Pride)…自豪、威風; 民𥘉從上海開始流傳下來,五十年代開始在香港流行,派頭這個形容詞,即是「講排場、威勢、舖張」。
    2. 屙畢甩 (ALL BLOOD)… 好傷,好似屙血咁大鑊,遇上麻煩、辣手難題、或者死路一條, 就會自嘆一句:「呢一鑊真係屙畢甩!」
    3. 蛇悸〈歸依切〉(Scare)…驚嚇、恐懼; 蛇悸形容人「騰雞,無膽,大驚少怪」, 「蛇悸」來自英文「Scare」, 例句:你唔好咁蛇悸啦!乜都自己嚇自己一餐!
    4. 仆街(Poor guy) …仆街經常被人誤以為是粗口,其實“仆街"是英文, Poor guy粗劣、低俗、可憐可憫嘅人的意思
    5. 薯嘜(Schmuck)…彈人蠢鈍就叫佢「薯嘜」! 也可應用在老土的衣著上。 例句:「嘩!乜你仲著「大地牌」冷衫?咁薯嘜架!」。
    6. 士嘜(smart)…醒目嘅意思。
    7. 花臣(Fashion)…新款式 。
    8. 噱頭 ( Gimmick) …應該又係上海流落嚟,新招數、新點子。
    9. 蝦碌(Hard Luck)…倒楣;蝦碌泛指拍電影時的NG片段,所謂「蝦碌鏡頭」, 現實生活裏,蝦碌指忙中有錯,掛萬漏一,失之交臂。 「蝦碌」來自英文「Hard Luck」, 行衰運所以蝦碌! 例句:「唔好意思,一時蝦碌,將你個master file delete咗!你要重新再打過呀!」
    10. 老粒(Rob)…搶劫 Robbery嘅頭一個音節;源自差館,六十 年代已經流行,係差館,差人互相講「老粒」,即是搶劫。
    11. 符碌(Fluke)…(棒球術語: 僥倖擊中) 「符碌」指不靠實際能力,幸運地達成目標、純粹僥倖彩數。 「符碌」來自英文「Fluke」, 是但馬虎,隨便求其,但又能幸運地完成任務。
    12. . 唱錢(Change) …貨幣找換 ; 當要使用另一個國家的貨幣,便要去找換店「唱錢」, 「唱啲美金」、「唱啲英磅。
    13. 茄呢啡(Care-free)…英美一般正規演員及片塲工作人員都會係工會會員,有工會跟資方協定嘅福利,但係臨時演員就無嘅,所以叫做 care-free,又係上海佬遺留落嚟嘅中音英語。
    14. 咕喱(Coolie)…搬運工,印式廣東話;咕喱(讀音: gülëy),係英文 Coolie 同埋葡文發音嘅Koolie,家陣香港已經冇咗呢個工種咯,哈,加拿大仲有,好奇怪。
    15. 索(Sharp)… 形容靚女明艷奪目的「索」來自「Sharp」,條女好索!條女好Sharp!
    16. 發蹄騰(FRIGHTENED) …好驚,驚到震。
    17. 四萬(SMILE )咁口…笑嘅時唔係好似個“四"字咯。
    18. 有啲啤(疲野切) (DEPRESSED)…心情惡劣,無心機,慵懶。
    19. 頻能 (PANIC) …頻頻能能…手忙腳亂,吝吝盡盡 。
    20. 爆格 (BURGARY)…被人爆格;被人入屋盜竊 ,又係五六十年代嘅差館師爺發明,用BURGARY嘅第一第二音節廣東話化!
    21. 飛咧啡呢 (FULLY FLATED)…喊到飛咧啡呢,喊到失 控,其實又係差館師爺攪出嚟!
    22. 柄 (PUNCH) 你…信唔信我柄 (PUNCH) 你,信唔信我打你 ,又係差館嘅嘢。
    23. 拗撬(叫) (ARGUE) …好多爭執。
    24. 木獨 (MOODY)… 無心機唔出聲。
    25. 有功鋪魔 (PROMOTE) 無功布魔 (潮州話x你老母)....有功升級,無功捱罵 。
    26. 吽吽𢭃𢭃( OUT OF ORDER ) …心情不爽,鬱鬱寡歡樣子。
    27. .DELAY NO MORE …哈哈,唔駛解釋啩!!
    28. 仲有…版主"澳門朋友(Macau Friend)…哈哈,麻鳩煩!講笑,唔好怪,呵呵呵
     

    註:所謂差館師爺,就係翻譯員,當時大部份警員不懂英文,而大部份警官係老外,而且口供係要翻譯為英文才合法,所以每間差館都有翻譯員之設,當時翻譯員嘅“彁咧"只需要中五畢業,其實能力唔係好夠,所以好多攪笑嘅文字走出嚟!我兩個小學同學都做咗呢行,我本人都做過幾年"溜餔"差人,好多廣式英文就係咁產生。

    以上資料都係文抄,改編,修正,並不是老鬼創作!

    回覆刪除
  13. 西環大哥,如果認為有用及有趣,可用於你博客,供于同好,都係保留香港文化功德也!

    回覆刪除
  14. 車,都冇版權嘅,香港文化嚟㗎嗎,係香港人都有權用,有權知,有權睇,有權.......
    我諗大哥會唔會係AO果隻,咁鬼多資料嘅,
    香港,香港,可愛嘅香港,妳點解家陣咁憔悴.....又咁撐雞!
    大哥要負擔啲講古責任咯,淨係食又有排講,離島又有排講,行山又有排講.....
    南生圍的前世今生,大嶼山方面,大澳已經係悲歡離合,大嶼山羗山,龍仔,悟園,淨庵!
    西貢嘅潛水樂園,障上半山竟有人賣汽水,嘩,香港唔細㗎,你係英國咁多年,都知,香港古仔同勝地唔輸俾佢地㗎.
    港英時嘅烏龍嘢(唔係家陣成日有啲人話懷念英管時期,老鬼真係想彈過D調俾佢地)
    有你在此,香港精神不死!!!

    回覆刪除