仙鳳鳴劇團於1958年3月14日在銅鑼灣利舞臺公演由唐滌生編劇的“九天玄女”。仙鳳鳴劇團在1956年由任劍輝和白雪仙所創立，並邀得武生王靚次伯和丑生王梁醒波加盟，唐滌生任劇團劇務主任。是次的“九天玄女”是該劇團的第六屆演出。 最可惜的是在1959年9月14日，在第八屆仙鳳鳴劇團首日公演唐滌生新劇“再世紅梅記”，演至第四幕“紅梅閣” 時，唐滌生突然暈倒，延至凌晨4時45分因腦充血逝世，享年42歲，香江痛失這位殿堂級的粵劇作劇
七十年代由油麻地甘肅街彌敦道交界處北望，可見平安酒樓招牌，即為今日平安大厦, 右邊車頭三間黄巴士處是佐敦裕華國貨公司路口
路邊美容院, 提供梳頭,扎髻，線面等服務, 我記直至70年代中, 大華國貨公司左側閣麟街有個女人開檔幫人線面, 我老媽每次去開中環都不忘幫襯佢
舊萬宜大廈, 我記得地下有間山打鞋店. 我記得有次老媽帶我去中環，唔知點解失散左，我就企喺山打鞋門口大喊，等咗好耐老媽先至返轉頭搵返我，嗰陣時既徬徨又恐懼嘅心情，到而家仲歷歷在目
五十年代新填地街近甘肅街，右邊為剛落成，至今仍在嘅油麻地街市. 前望可以見到大金山茶樓
中環畢打街, 歷山大廈右邊係告羅士打酒店
中環皇后大道中畢打街交界處, 交通警嘅指揮動作好霸氣 (雖然連交通亭都冇得企)
中環萬宜大廈於1957年落成，並設置了全港第一部 (也是全東南亞第一部) 扶手電梯. 新屎坑，人人趨之若, 遊扶手電梯河成為當年去中環嘅指定節目
安蘭街六, 七十年代係很多印度人商行嘅集中地，現在街尾是新世界大廈的貨物入口處, 成條街亦開設咗好多食肆，儼然成為一個小Soho
水星大厦，當年大東電報，港台亦在大廈內設有辦事處/營運部門。原址現已成為中國建設銀行大廈
灣仔東城戲院, 當年鬧鬼嘅傳說鬧到滿城風雨，搞到戲院開業唔夠十年便執笠，現在回想起來有些可惜我從未喺東城睇過戲
中央街市德輔道中入口，雖然中央街市嘅正名係中環街市，但我從來都改唔到口，可能當年老爸喺嗰度做嘅時候叫佢做中央街市，太過入心入肺罷
新華戲院，現在已改建為亞皆老街嘅旺角中心
六十年代加拿芬道, 右邊可以見到仙宮樓, 當年市面嘅京菜飯館比較少,請人去仙宮樓食北京填鴨真係好夠派頭. 近聞尖沙咀老牌京菜鹿鳴春都執咗笠，感覺香港舊式京菜館可謂買少見少
六十年代彌敦道和佐敦道交界處，裕華國貨斜對面, 可以見到黃棠大宅
從海中心回望中環, 右邊海事處, 現已改建為無極限廣場, 中間建築物是聯邦大廈，而家叫永安集團大廈
五十年代嘅皇后大道中，近鏡頭處係皇后戲院，前一些可以見到商務印書館，萬成百貨, 再前一些便是龍子行，龍子行尊賣來路貨，價錢當然不菲
五十年代油蔴地近佐敦道嘅上海街街市, 右邊個男童攞住個盅, 係準備執拾蛋舖將啲打爛咗繡要嘅爛雞蛋盛回家, 咁就有機會可以食到蛋, 當年環境之惡劣可見一斑
七十年代俯瞰深水埗南昌街, 我曾經喺呢啲大排檔度食過嘢，大排檔大部份都係啲鐵皮鋅片搭建而成，夏天食揮汗如雨，而家諗返起嚟其實好辛苦
七十年代由石板街向東望, 美美童裝，茂昌眼鏡都係啲好熟悉嘅名字，如果我冇記錯，茂武昌眼鏡好似直至千禧年初仍然迄立喺同一位置
七十年代初由干諾道中向西望，左邊係文華酒店，往前一點係舊中環郵政總局，圖中絕大部份建築物都已拆卸，碩果僅存嘅相信只有中華總商會大廈
位於銅鑼灣道和天后廟道交界嘅百樂戲院，我喺呢度睇過打工女郎，非洲之旅，附近有間金寶餐廳都好出名，當然已結業多年。 百樂戲院結業後成為百樂商業中心，目前由教會租用
七十年代的湾仔道，直望四層有露台的建築即為交加街街口
咸豐年代嘅軒尼詩道天樂里交界處
六十年代銅鑼灣渣甸坊京華戲院, 門外正在修路中
六十年代，風災過後的太子，右邊安康寧藥房所處為彌敦道，直望運動場道，遠處天台有尖頂物體的樓宇為今天仍健在的志記海鲜酒家. 最入面汝州街那排唐樓今日仍在
五十年代廣智戲院門前, 戲院門口係小販擺買嘅黃金地段 ,右邊遠處可見到恭和堂
用針線將一粒粒細珠仔穿起來成珠鍊, 呢啲家庭小工藝我最熟手
六十年代街道上的牆面廣告, 呢啲字係即場寫上去，不由得你不佩服當時嘅人書法嘅秀麗同埋工整，尤其是要寫喺凹凸不平嘅牆場面上面
畢打街同埋德輔道中交界處，兩架雙層巴士真係好靚，靚到有啲似玩具，左邊係書信館，右邊係於仁行，右前方係告羅氏打行
