依稀往夢似曾見 (3)

細佬:點解我飲極都飲唔到嘅？

嗱，細細啖好啦

六, 七十年代,中環由威靈頓街口至東街都是金舖天下, 另外在背山那邊的皇后大道中滿佈著賣自家品牌中成藥店，如二天堂, 錢澍田,敬修堂以及隔離的馬百良

六十年茶樓仲有好多點心仔點心妹孭住個點心盤賣點心，我記得童年時老媽經常鬧，你唔好好讀書，第二時就要學佢哋咁賣點心

由皇后大道中和新街交界處向東望, 百隹超級市場處即為昔日高陞戲院嘅原址 (百隹超級市場現已改建為老人院)

彌敦道運通泰大酒樓 , 前身是國際酒樓夜總會 , 即今日之倫敦大酒樓.  運通泰酒樓係澳門賭王葉漢旗下之飲食集團, 八十年代運通泰首創一蚊鷄, 曾掀起飲食界一場割喉大戰

五十年代名伶薛覺光，馬師曾，紅線女喺普慶演出

灣仔東方戲院，即今天大有商場，當時戲院正上映THE  PRESIDENT’S ANALYST(香港譯名為驚弓之鳥) 上映年份是1968 

由皇后大道中鴨蛋街交界處向西望, 得雲茶樓當時正當盛年，其老婆餅、皮蛋酥，蛋黃蓮容酥可謂獨領風騷

華美歌藝團? 嗰名好似有些少印象.  .一張門票聽足多位巨星獻唱。值回票價 .   門外花牌有珍珍、珮珮, 還記得她們和秋官合唱嘅天涯孤客嗎?

旺角山東街和彌敦道交界處，鏡頭前係麗斯戲院，但看不見對面嘅瓊華.  往前一點見到可以見到醉瓊樓，遠處祁少雄跌打曾經喺九龍非常有名

德輔道西近山道處，可以見到太平戲院嘅招牌，招牌下邊有條小路 (我我哋靚仔嘅時候叫呢條小路做山窿路)直通上太平戲院同埋皇后大道西

唔知你有冇發覺，好多五六十年代嘅舊相裏面，唔少細路仔係全身赤裸冇衫通街走，相信當年一般人環境真係好差，窮苦大眾真係買唔起衫比啲細路着，覺得細路仔冇衫着都係一件好稀鬆平常嘅事

 細B坐嬰兒車， 大B坐蘋果紙盒, 懶理隔離馬路人聲嘈雜, 自顧自訓得好舒服.  一個蛇果 賣到5 ,  6 毫子,都好貴下喎(當年飲支汽水都係兩, 三毫子咋).  從相片可見, 低下層生活雖然艱難, 但節奏緩慢，人們需求簡單，在悠閒嘅生活節奏中自得其樂

七十年代去大學站旅街，通常都會扒艇或搭船去對面烏溪沙宿營，如果踫巧運豬火車貨卡駛過，一定要用手掩鼻，因為豬卡好臭(此所以大學站前稱馬料水)

很喜歡媽媽的笑容，在如此艱苦的環境下仍然笑得如此燦爛，生活雖然艱苦，但只要一家人齊齊整整, 辛苦一點算不了什麼

有強烈film noir 味道的皇后戲院夜景

這種補鞋檔相信在香港已經賣少見少，千鿋年前後這些補鞋或者改衣服店陸續搬入商塲，好處係檔主可免受日晒雨淋之苦, 但收費當然亦隨之上升。有段時間這些補鞋檔以連鎖店形式在地鐵站開設放攤，除補鞋外，亦兼營換手錶電池，配鎖匙等服務

細個嘅時試過落大雨落街玩，玩完返去比阿媽打到隻積咁

五，六十年代嘅舊唐樓/街景，活生生就係成個粵語長片嘅佈景

湾仔道舊照，近鏡屋仔處即為今日嘅集成中心

六十年代羅素街向西望，右邊未入鏡位置為今日時代廣場，直望白色建築物為電車員工福利大厦, 70年代中因為修建堅拿道天橋而拆卸.   當年呢度只不過係一片無人問津嘅街市，我諗冇人會諗到, 三四十年之後呢度竟然會拔地起高樓，建成價值連城嘅時代廣場 

位於湾仔軒尼詩道鵝頸橋嘅大三元酒家.  香港大三元酒家應該是廣州大三元的分支，大約在40年代末在香港開業，全盛時期在油麻地， 設有分店，惟不知是否正宗大三元。灣仔大三元酒家在70年代結業，老街坊對其傳統點心以及餅食懷念不已

六十年嘅荷李活道和皇后大道中交界處, 右邊可以睇到得男茶室嘅招牌，遠處建築物則是國家醫院

九龍尖沙咀彌敦道近柯士甸道交界

位於彌敦道和柯士甸道交界處嘅倫敦戲院，我喺呢度睇過Robin Williams嘅"亞甲曬命".  倫敦戲院當然已被拆卸, ，建成莊士倫敦廣場

六十年代郊遊勝地南生圍，白楊樹下，係絕佳訴衷情嘅地點

五十年代湾仔軒尼詩道，交通警呆站在交通指堚亭內無所事事嘅畫面, 又真係幾得意