舊物牽情 6

 

一批80年代影視店的會員證。八九十年代，互聯網還未十分流行，當然沒有什麼串流影音網站或者Apps，一般人要看電影，可以去戲院，惟若想安坐家中看電影，便需要去影視店租盒錄影帶。到90年代市面逐漸有VCD， LD 以及 DVD 等較先進嘅產品推出，但基本運作都差不多，顧客可以去影視店租錄影帶/VCD/DVD，為期三幾天，便需歸還，逾期罰款以每天計。話說回頭，現在市面上租賃影碟的影視店當然已然絕跡，但偶然走過中上環或者北角，仍見有三幾間售賣DVD的商店在苦苦撐着

喺用互聯網以至手機訂酒店，機票，火車票仍未流行嘅時候，旅客一般會用呢啲旅遊網訂行程，但當時會傾向打電話同呢啲網站嘅客戶服務員訂酒店或者機票.  我有一段好長嘅時間都係電話預訂旅程，但呢幾年所有真人服務都已經被手機Apps代替

一張1996年由屯門往中環雙體船嘅船票，盛惠$25

這個看似是錢甖嘅鐵盒，其實本來是用來裝朱古力的，但生產商很有遠見，設計上讓小朋友吃完朱古力後，還可以用鐵箱作為錢甖，一物二用。小鐵箱還備有小鎖匙，真的非常貼心.  忘記告訴你，這個鐵箱錢甖我小學時候已經存在，所以估計少說也有接近50年嘅歷史

三個中學時代嘅獎牌，左邊那個是校際足球亞軍獎牌，中間是聖士提反堂校運會班際4×100接力銀牌，右邊那個是校運會400公尺個人銅牌.  小弟並非運動型學生，但幾年下來，都混到一兩個獎牌，唔知係咪山中無老虎，猴子稱大王。諗起果次攞400米銅牌都好好笑，我其實冇受過田徑訓練，果次係班裏面冇人肯參加呢場賽事，先至推我出去跑; 我400米當100米咁跑，鎗聲一響即發足狂奔，喺前200米領先其他參賽者十幾個身位，搞到我啲同學嚇咗一跳，以為我真人不露相，但跑400米要講留前鬥後，去到最後100米莫氣，越跑越慢，好彩前段領先得多，終於比我捱到返終點攞到個第三.  又及，當年簡簡單單嘅校運會，都頒個獎牌比學生，諗返轉頭，聖士提反堂都算幾大手筆

兩個1981年栢克來銀行發行，紀念查理斯皇子，戴安娜皇妃大婚嘅銀幣。當年我恰巧在英國，特登跑往倫敦觀禮，當時萬人空巷，都熱烘烘的擠在路旁，希望一睹兩人嘅風采，俗一點說句，那是上世紀最童話式嘅婚禮。童話最後幻滅，殘酷嘅現實告訴我們，表面嘅幸福華麗，擋不住真實嘅人性。現在偶然看到有關戴妃嘅紀錄片，心中都有一陣戚戚然嘅感覺

一個1972年，由萊斯銀行發行嘅紀念英女皇和皇夫銀婚紀念銀幣

這只星辰電子錶對我來說很有紀念價值，話說當年去英國唸書，老爸因為怕普通上鍊錶容易壞，給我買了一個這隻當時算是很前衛嘅電子錶，因為人家跟他說，電子錶只要每隔兩三年换一次電池便可以，比較可靠耐用。此外這個電子錶除了可以看時間之外，還有年月日期顯示，甚至可以計時，當年來說可謂非常先進。我用了七，八年後，這個錶便因為幾度入水壞了，怎麼樣也無法修理。雖然如此，我也捨不得丟棄，每次看到它，便想起老爸的苦心

這只星辰錶我戴了很久，大大話話都係起碼有十五，六年，直至前幾年因為懶的關係，放棄了戴錶的習慣，才把它閑置著，忽然想起李嘉誠曾說過，他一只錶戴了幾十年，想來，我都有一件事和誠哥相似 

Swatch手錶，是廿多年前嘅生日禮物，曾幾何時，有一段時間Swatch手錶和時間廊大行其道，經常可以在電視上面見到它們的廣告，但是時移世易，現下的年青人根本不喜歡戴手錶，曾經成行成市的時間廊，現在都剩下寥寥無幾了

地鐵公司為紀念1998年6月機場慈善快綫紀念之旅，所推出嘅機場快線水晶列車珍藏版

親筆簽名金枝玉葉電影海報-劉嘉玲

親筆簽名金枝玉葉電影海報-張國榮

親筆簽名金枝玉葉電影海報-袁詠儀

八九十年代恒生財神到年畫

兩本老爸先鮮行總商會（後來改名為淡水魚商會）嘅會員簿，最早那一本是在1959年頒發，距今已有60年

兩張老爸凍房工作證，最舊那一張是1962年頒發，大大話都有58年歷史了

膠劍仔，相信我們這些50後， 60後的小朋友冇邊個未玩過

圖為1983年中旅社組織嘅北京旅行團嘅單張，原來當年去北京唔係坐飛機，而係要坐一日半嘅火車先至到北京，一來一回淨係坐火車嘅時間已經要三日，今日看來真的不可思議 1

圖為1983年中旅社組織嘅北京旅行團嘅單張，原來當年去北京唔係坐飛機，而係要坐一日半嘅火車先至到北京，一來一回淨係坐火車嘅時間已經要三日，今日看來真的不可思議 2