總網頁瀏覽量

2018年2月6日 星期二

放假睇舊相 (5)



















昔日的中環德輔道中。圖右是舊匯豐銀行、渣打銀行大樓,圖左是舊太子大廈。舊建築的莊嚴氣派,非今天外形千篇一律的玻璃幕牆摩天大樓可比擬, 在她們的點綴下,香港在三, 四, 十年代已儼然成為國際大城市!





圖爲昔日的旺角彌敦道瓊華大酒樓,該址今天已重建爲瓊華中心.  瓊華大酒樓由廣州酒樓大王譚傑南於1955年開辦,當時股東包括恒生銀行創辦人梁昌、何添,以及澳門特首何厚鏵父親何賢等。

舊瓊華酒樓共五層,地下是餅家,往上有西餐廳、中式茶樓、酒樓及夜總會,天台, 簡直是個自成一國的飲食娛樂中心.  花園當時每晚會放幾串爆竹助慶.  瓊華酒樓的推廣手法為人津津樂道,如每逢賽馬日的馬仔7折出售,以「食完馬仔,贏馬仔」作招徠。端午賣糭,酒樓門口會亮着「邊個話我傻」霓虹燈,「傻」與「糭」寫法近似,引人注目。

譚傑南臨終前叮囑兒子譚炳權謂酒樓生意難做,有機會即應重建.  譚炳權在1989年將酒樓結業,並耗資2億元重建為樓高17層的商場及寫字樓,只租不賣




舊日油麻地彌敦道。照片中心位置那個「武嘩度」( Movado)大招牌,即為全球知名的瑞士名貴鐘錶品牌Movado。「武嘩度」是舊稱, 今日香港鐘錶店多使用MOVADO的內地譯名「摩梵陀」

平安大廈前身是「平安戲院」,1958年拆卸時,戲院的圓頂發生倒塌意外,造成六死十二傷慘劇,其後重建為現時樓高十八層的平安大廈。而平安大廈亦不平安, 2000年四名男子在大廈內遭殺手開槍狙擊,一人中彈受傷;2003年則發生「飛窗殺人」事件





西片《蘇絲黃的世界》中的香港仔,當時避風塘裡桅杆如梳,極具漁港風情





昔日的維多利亞港.  帆船, 小輪, 客輪比肩繼踵,恍如一張名信片









圖為101號過海隧道巴士行經灣仔軒尼詩道,莊士敦道。其時巴士都是熱狗(沒有冷氣)夏日炎炎時乘搭巴士,真箇可以熱到汗流浹背.  紅磡海底隧道開通之後,所有隧道巴士全程收費為港幤 一大元正






















1973年駛經灣仔軒尼詩道的過海隧道巴士.  圖左後的東亞大樓, 𤋮信樓,均已成為歷史了





昔日的佐敦,圖左的雲天大茶樓,曾經頗有名;圖右遠端的裕華國貨仍是舊鋪,未搬到今天的位置.  昔日沒有佐敦,只有官涌同佐敦道.  粉紅的吳淞大樓1960年入伙,旁邊正在興建的韶興大廈1964年入伙. 昇昌押的大樓今天仍健在, 保持著其梯形外型,店舖則已改為六福和水佬榮火鍋



石硤尾7層大廈. 當年這些第一代的 徙置區大廈沒有升降機,居氏要徒步爬樓梯




圖爲1965年的牛頭角村(原居民村),背後是剛建的廉租屋牛頭角上邨。前端的村屋多年前已拆卸搬遷,原址即今天的定安街、定業街一帶




嶺南書院(嶺南大學前身)昔日位於灣仔司徒拔道的校舍,書院是一幢美麗的西式古典建築,後來隨校園擴展而拆卸重建;嶺南大學多年前遷到屯門虎地, 其舊校舍由新地以44.9億元投得, 將發展低密度住宅項目



圖為1965年的佐敦道,當時裕華尚未搬遷到目前的位置.  留意六十年代的招牌大多是中式右至左.   圖右4號路線往佐敦道碼頭的巴士是丹拿型




四十年代的中環干諾道中海傍,左邊可見舊郵政總局大樓




















圖為六十年代宋皇台道近啟德機場一帶, 還有人記得利寶汽水嗎? 




六十年代的石硤尾



圖為1965年的中環停車場,「車海」氣勢磅礡



二十世紀初,正在興建中的中環舊最高法院大樓.  舊最高法院大樓位於香港中環昃臣道8號,於1912年建成, 曾用作爲立法會議事廳。其建築風格呈現新古典主義,揉合了遠東的建築特色,大樓上蒙上雙眼的泰美斯女神像右手持天秤、左手持劍,代表大公無私。大樓外部於1984年被列為香港法定古蹟





















昔日香港的OL,可見昔日寫字樓的佈置,桌上當然沒有電腦,有的是大量紙文件、打字機、信匣、和處理文件的文具;與今天文書電子化相比,有極大的分別




圖為1952年的尖沙咀威菲路軍營,前方是彌敦道,後方遠景是港島北。左邊可看到清真寺.  威菲路軍營今天已改建成九龍公園和栢麗大道




圖為二十年代的中環皇家碼頭(又稱卜公碼頭)巴士總站。可見遮打行,聖佐治行,皇后行。遠處則可見到天星碼頭,香港會 





















六十年代的大會堂,大會堂的建築師Ron Philips今天仍健在, 而勵德邨的建築師鄔勵德則剛辭 世, 享年105歲





















圖為1956年的歷山大廈.  這是第二代的歷山大廈,於1953年落成,而思豪大酒店及中天行於1956年重建為歷山大廈新翼,大廈所在的三角地段亦得以統一。 1974年,香港置地宣佈進行中環物業重建計劃,其中的第一期,就是要重建這幢只有20多年樓齡的第二代歷山大廈,第三代歷山大廈的工程於1976年建成,樓高34層




五十年代的鑽石山.  鑽石山英文名稱是Diamond Hill, 其實是個美麗的誤會. 鑽石山的「鑽」字是個動詞,意謂把岩石鑽開的意思,原因是鑽石山本有一個石礦場,開採了數十年,也因此使這座本來無名的小山得名





五十年代的金鐘



33 則留言:

  1. 唔好介意!
    好似係「寶利」先啱,我最鍾意飲佢嘅提子汁!

    回覆刪除
    回覆
    1. 依稀記得「寶利」橙汁,若非迷信街坊兄提起,幾乎忘記還有「寶利」提子汁。俱往矣!

      刪除
    2. 啱, 應該是寶利汽水才對, 唔好意思~~

      刪除
  2. 迷信街坊兄這個回應是否針對本網誌裏那幅"圖為六十年代宋皇台道近啟德機場一帶, 還有人記得利寶汽水嗎"照片?不好意思我還以為Burley的中文名字即為利寶汽水,原來兩個招牌並非指同一商品,謝謝指正。惟若如是,利寶所指何物?利寶應不是商店名稱(商店名字是大眾),利寶是否另一飲品的品牌名稱?

    回覆刪除
    回覆
    1. 冇錯,就是指網誌幅相!
      講起汽水,大家記唔記得有一隻叫「豐力奶」嘅飲品?佢俾我最深嘅印象係飲剩小小嘅話,過幾日樽底啲奶就會生啲蟲出嚟,嚇死人!

      刪除
    2. 豐力奶?唔好意思, 真係冇印象~~

      刪除
  3. "昔日香港的OL"……圖中OL所用的打字機, 老安如無睇錯或記錯, 應是"好利獲得"意大利名牌打字雞,當年佔寫字樓打字雞份額甚大。
    六十年代末及七十年代至八十年代初, 有兩種行業養唔少人, 一種是定期往不同寫字樓替不同打字雞清理及抺油, 另一行業, 是由妹頭定期到各寫字樓替電話清潔及消毒, 如今同80及90後講, 佢地話老安黐咗膠綫兼亂噏。

    回覆刪除
    回覆
    1. 安兄真係好眼,我就睇唔清楚打字機個牌子,你係因為型號外型而認得?"好利獲得"係咪即係Olivetti? 小弟七十年代學打字嘅時候都係用呢個呢隻牌子嘅打字機,不過嗰陣時候已經改咗做電動打字機啦。安兄所講嗰兩種上門服務以及服務提供者小弟都見過,另外有一種我諗係八九十年代先至興起,就係有啲零食供應商上門派傳單,讓OL們選擇心水零食,付款後稍後送上所選購的零食。有些零食供應商甚至即時送上零食,即場交易,貨銀兩訖。另外90年代仍有送午餐往寫字的包伙食服務。一般來說舊式的寫字樓仍會以包伙食形式提供午餐予雇員,夠鐘午飯時包伙食公司的夥計便會送上午餐,一般來說會有三餸一湯,白飯任裝,並提供碗筷,用餐完畢後只需將餐具放回外賣盒,稍後便會有人上門收回。大熱天時在空調辦公室內施施然用餐,不用在茶餐廳或酒樓外面排隊等位,誠一大樂事也~~

      刪除
  4. "利寶汽水"…西環大佬竟會擺烏龍,以西環大佬貴庚來說, 抵打"籮柚", 大佬擺烏龍原因係唔記得咗"康幹"嘅中文横排係七十年代後期, 八十年代開始, 九十年代完全電腦化排版之前, 都係依足大中華有文字的二千餘年大漢文化及漢字排列優良傳統, 係由右到左的, 圖中招牌就是大漢文化由右至左, 所以應為"寶利", 中文開始橫排係而家好乜人乜的周融主理的中文星報開始, 天天, 左仔報紙隨後,直至電腦編輯排版系統開始流行後, 劣幣驅逐良幣, "康幹(鄭大班口語)"開始扮左仔, 從此"左仔"化!

    所以,寄語某些人士, 要"康幹"脫離乜乜…影響, 佢地出嘅文字,單張等等回復大漢文化, 右排!騎騎!

    咁, 西環大佬唔會再犯錯!

    回覆刪除
    回覆
    1. 以前唸書,教授所講,當中文字橫排,取由左至右,最早的是明報。今日網查,亦如是說。譬如:

      「據聞,是《明報》幾十年前率先將橫排標題改為由左向右,但直排正文卻維持由右向左…」。
      《橫寫直寫 向右向左 左翻右翻 沒完沒了》
      http://dn-skmzq.qbox.me/data/20141027001531/index.html

      「一九七幾年,明報創新兩件事:
      第一,橫排標題一反傳統的右向左,改為左至右,報社認為內文雖然由右至左,標題卻無需一樣,而日常中文橫寫一如英文是左向右。」
      《「報道」實為虛幻 「報導」方符真相》
      http://www.inmediahk.net/node/1017851

      比較1978年《星際大戰》與1981年《帝國大反擊》兩張報紙廣告的橫排中文。
      https://www.facebook.com/Dr.Strangenote/posts/1046805628706361

      周融出生於1950年,據維基,1974-85年間周融應在廉政公署工作,期間似乎不可能以副業形式主理中文星報,並早於明報創先地將橫排中文改成左向右。

      以上僅作讀者參考。

      刪除
    2. 補充:
      上文1978年《星際大戰》與1981年《帝國大反擊》的報紙廣告是台灣的。
      以下補回香港報紙廣告。

      《青青珊瑚島》(香港1980),橫排中文仍是從右向左。
      https://goo.gl/bzxrZc

      同年較後的《帝國反擊戰》(香港1980),橫排戲名已改為從左向右,但「不日放映」四字仍是由右向左。
      https://goo.gl/XTZyis

      刪除

    3. 唉!香港華洋混集,招牌上的中文牌子既可由右至左,亦可由左至右,有時一眼望過去,很難分辨究竟應該由那一方讀起,~~故需要看畢業整個招牌,才能分辨出來。此次眼大睇過籠,是小弟的不着,鎖你鎖你

      刪除
  5. "周融出生於1950年,據維基,1974-85年間周融應在廉政公署工作,"跟老鬼記憶,他十九歳已經在星報當小阿頭, 老廉是後來的事, 人老記憶有模糊,可能有錯,不過維基,百度等好多時資料都係錯嘅。
    貴兄所講明報會是第一個標題由左至右橫排, 有這可能, 當年明報跟現在的"完全"不同, 能容天下事, 百納眾聲音, 副刊作者大多文章精彩,由創刊看到十年前, 投降! 如今"康趕"乜報都唔睇,乜電視台及電台都不看不聽,間中上網睇下標題,算了!
    老安不黑,不紅,不藍, 不黃, 只係心痛二字。
    多謝貴哥賜以資料, 叩首謝謝!

    回覆刪除
    回覆
    1. 安大哥,維基咁講:「周融在1967年香港仁伯英文書院畢業後任《英文星報》記者及採訪主任。1974年加入廉政公署…」如果維基正確,周融在19歲時確在星報工作,但那是英文版星報。
      https://goo.gl/zK4HYa

      安哥可以忍住唔睇新聞,小弟我就做唔到喇,工作需要又好,作交際應酬又好,無番少少新聞常識,好易被人呃呢,人總有機會遇上壞蛋。:P

      刪除
  6. 美國大統領金句, 新聞都是假的,哈哈, 佢講唔係我講, 騎騎!
    講新聞操守道德同採編新聞的有為與有不為, 懷念我師傅,卡卡!

    回覆刪除
    回覆
    1. 師傅≠師父
      師傅是眾人的,師父是你的。安大哥的師父大名卡卡?抑或卡卡亦係擬聲詞騎騎、嘰嘰...。新聞業大哥你都做過?好厲害!你好似七十二行都做過咁…

      刪除
  7. 你好!
    因本人將參與一部香港電影,
    內容會有關一些中環 如大會堂/碼頭等的舊照片…

    請問你網頁及weshare內的照片可以使用嗎?
    如涉及版權問題,你方便留電話/email給我 ,
    我們再商議,可以嗎?

    以下是我email:
    ymangk@gmail.com

    回覆刪除
  8. 作者已經移除這則留言。

    回覆刪除
  9. 貴大哥, 你講的真對, 老安意思是我師父亦是其他人師父, 所以用了師傅, 你的意思絶對正确, 大讚!
    當年生活艱難, 真係乜都試過去做, 生存及無目的, 其實不是好事,是悲傷, 是命過不佳之故,是無奈無用也!貴哥包容,包容!

    回覆刪除
    回覆
    1. 閒聊中寫別字無問題,讀者看得懂就成。只係我唔確定你係真指師傅還是師父。現代用法,師傅泛指技術高的人,也是禮貌用語,譬如麵包師傅、電工師傅,所以師傅是眾人的,習慣上我們不說「我的師傅」;但師父是師徒用語,關係親密很多,有秘技傳內不傳外的繼承含意。一般工作上,我們不會稱上司做師父,上司下屬只係同事關係,各有各出公司糧,感情上可以是朋友關係;又除非佢真係極度關懷你,百般武功都教你,你真係好感激佢,視佢如師父咁,念念不忘報答佢,服侍佢,如果你真曾遇上咁好的上司,你係好幸運。又其實安哥你有能力移民,命運怎會差。

      P.S. 安哥唔好叫我大哥,我會頭暈受唔起,論輩份你至係大哥。

      刪除
  10. 又打錯字, 是命運不佳。

    回覆刪除
  11. 貴兄台, 其實你講起嚟, 家陣俾北風吹到立立亂, 名詞亂用,有時唔怪得厠紙才子鬧人, 本來師傅一詞,以前細個時唔係立亂叫, 係對方真係有某種技術, 某重專長的匠人, 才被敬稱為"師傅", 不知如何,係八十年代"改革開放", 無嘑嘑, 深廣佛等地,突然叫開車駕駛員做師傅,撓晒頭,(並不是職業歧視,汽車駕駛員亦是技術工,應受尊重。)好似有的過火,不過世情如是, 流行起來算了。
    不過近五六七年, 北風突然冒起係人都叫老師, 連靚女雙冰,乜乜靚仔演員, 我地嘅可愛的基仔,一上到河之北, 無端端做咗老師, 老安真係頂唔順, 其實此歪風,十多年前開如慢慢興起, 當時在上海做開山牛,去到乜單位,乜工廠去呃人時, 係人都叫我做乜老師, 老安背脊都寒埋, 真係好唔明, 家陣中港臺三地的漢文漢語,同我做小學雞時完全不同, 尤其網上文字,真係撓晒頭。
    (貴兄台, 唉, 家陣仲有乜講,輩份架, 越後生越叻, 你睇下人地就快攞諾貝爾獎啦, 仲有我地吳土心森傳媒講嘅,冇讀過大學嘅唔係人, 咁, 老安從未讀過大學, 照吳土心森講法,老安唔係人,點敢仲講輩份,卡卡(叫得卡卡以前有字吧,老夫子成日用, 仲有佢好鍾意用"犇"呢個字)

    回覆刪除
    回覆
    1. 安哥,潮語(流行語)就係咁咖喇,有起有伏,有新有舊,有時都幾好玩的,例如多年前內地人帶頭叫蒼井空做蒼井空老師,中港台都受落,大家笑到拍晒掌。

      時事評論員吳志森話「冇讀過大學嘅唔係人」?係唔係咁意思呀?唔該提供上文下理、文章或視頻連結,我要查證。

      話時話,你不時抱怨有些香港人搞得太多政治,令你連新聞都唔想睇唔想聽,大哥你似口裏說不,但鍵盤上的手指很誠實,上文留言從橫排中文扯到左仔報紙(你的用語)的文字排版領先,現在又諷刺有人要攞諾貝爾獎,可見你其實好喜歡介入政治。笑。我猜,西環大佬係唔想網誌牽涉政治議題的。慎。

      刪除
  12. "西環大佬係唔想網誌牽涉政治議題的。慎。"……一桶水淋落嚟, 當堂清醒, 有網友能如此真心直言,好彩!對唔住西環大佬, 老安呢次真係過咗火, 離譜, 鎖你,鎖你!收口!
    再次向西環大佬致誠懇歉意,亦多謝貴兄台能直言!
    不過, 真係架, 老安生於斯,長於斯,五味都在維港, 不能忘, 不能不牵肚掛肚, 夢中常念故鄉。
    以後不敢了!
    西環大佬呢幾日無出聲,我應發覺問題,再次"鎖你"。多謝貴兄台!

    回覆刪除
    回覆
    1. 安哥客氣。
      以後有機會在其他場合再跟你交流政見。

      刪除
    2. 兩位兄台言重了,小弟沒有即時回應兩位的留言,純因小弟近日偶染風寒,抱恙在床,故不克及早回應各位,請見諒。兩位説的不錯,小弟確實不想敝網誌沾染政治色彩,其原因不言而喻,我之所以撰寫西環的黃金歲月,旨在緬懷昔日情懷,以及抒發小弟對童年美好時光的回憶,以今時今日的政治氣氛,倘此網誌一旦沾上政治紛爭,其結果將後患無窮。話雖如此,小弟歡迎各方君子的評論,只要遵守忠於理性討論,不偏激攻訐別人,以及議事論事的原則即可,故此請兩位不必太介懷~~

      刪除
    3. 很認同西環兄的定位,除了可避免政治紛爭,蓋因見到那些以懷舊為名,散播政治思想為實的網站或群組,把懷舊與某種政治立場掛鈎,避之則吉!

      刪除
    4. 人心燥動, 世事紛擾, 還是呷啖清茶, 看看舊相, 頤養性情~~

      刪除
  13. 講起感冒, 老安, 老伴及細仔都中咗招, 我雖然打咗流感針, 依然避唔到。
    家陣的感冒病毒勁過以往多好多, 而且症狀之辛苦,不比以往, 以前,唔係好耐嘅以前, 一有感冒,先來甘和茶, 再整包杬葱茶, 多數搞掂,而家乜茶都無用。
    仲有, 以前係康趕, 好唔掂走去西醫, 三餸一湯, 四日之內, 一定好番。 現在,海漂之地,睇西醫只係嘥時間, 第一要"覓阿傍文",三四天, 等到嚟蚊瞓, 第二, 就算見到"番物利度他", 望聞問"撤"",嗱"密斯特晏"返去多休息, 飲多的水, 唔好出街, 好辛苦時食粒"太那羅"(香江叫必理痛), 嘥聲壞氣!好多"高知"成日話香港西醫濫用藥, 但係海漂地完全唔用藥, 二者何為正確, 以病家而言, 梗係快的藥到病除好啦。
    剛有新聞"美國大陸各州基本上都出現了流感大範圍蔓延的情況。美國疾病預防控制中心(CDC)最新數據顯示,單是2018年第三周,全美共有4064人死於流感和肺炎,占同期死亡總數的約10%,由於流感疫情仍在持續上升,預計死亡人數還會升高。到目前為止,這個流感季已經導致至少63名兒童死亡。"
    西環大佬保重, 千萬要穿足夠衣物, 擅掌休息時間, 我搞咗成個禮拜, 家陣按鍵時仲係咳, 無奈!
    保重,保重。

    回覆刪除