總網頁瀏覽量

2012年11月12日 星期一

香港舊足跡 (1)


































鄧麗君利舞台演唱會,而今鄧麗君和利舞台皆成歷史



西環威利麻街深水埗個碼頭.  深水埗碼頭於1924年啟用,於1992年6月1日關閉,於1920年代至1970年代屬區內十分重要的碼頭,主要為深水埗居民提供來往中環的渡輪服務



位於荷李活道 "大笪地" 內的一棟建築物,據說內裡經營理髮店。 圖最左邊的矮建築物是 "經濟飯店"。 大笪現已改建成「荷李活道公園」



一九一零年代西約方便醫所.  位於西邊街第三街交界,今為長春社文化古蹟中心



1941年一隊出殯隊伍經過皇后大道中娛樂戲院




1941年的灣仔軒尼詩道,莊士頓道交界。在那些日子裡,抬頭便可見藍天




1941年某戲院正上映“毒蛇黨”.  該片於1934首映,香港則於四十年代上映, 因片長關係,故分上下集放映。留意廣告牌上面兩行的字非常難讀,我不知道美術人員如何能想出這樣的設計




1941年一家四口的外國家庭在逛畢打街,華籍馬姐則在後面跟着




50年代從鴨巴甸街向下望看皇后大道中, 英記茶莊至今仍在皇后大道中營業




道友在追龍 (吸食鴉片).  香港政府於1945年嚴禁鴉片,六十年代因其他毒品興起,吸食鴉片遂逐漸式微




五、六十年代筲箕灣西灣河,路口轉入處是以前的聖十字徑村



五、六十年代筲箕灣工廠街與金華街交界

4


五、六十年代筲箕灣東大街電車總站



1941年颱風下一群人躲在騎樓底觀潮照片攝於柯布連道,告士打道交界,近六國酒店,今灣仔行人天橋附近




1941年男女更衣室,注意標誌牌其實只是一個黑板,而男女更衣室的標示只是用粉筆寫上去




令人眼花繚亂的招牌




1941年一輛在德輔道中前往“愉園”的電車.  愉園,又稱快活谷(跑馬地),因該地多葬亡魂得名,後稱跑馬地,沿用至今。背景是中央街市




1941年的地捫街招。留意地捫今天仍然使用相同的商標




四十年代不准停車標示杆




五十年代主婦在唐樓陽台曬衫





五十年代由東華三院主理永別亭,亭內提供葬葬服務、並可辦解穢酒。部份富人會在儀式前加插唸經及打齋環節,以超渡死者




1941年街邊小販擺檔賣臭豆腐




1941年擦鞋童




1941年兒孩童玩具竟是一個紙防毒面具。種種跡象表明,戰爭已是逼在門口



1941年12月10日,一架日本軍機在香港"潮水灣"墜毀.  潮水灣即今日馬料水和馬鞍山之間的一帶海灣。當年沙田海深入內陸,現時沙田市中心亦是沙田海海域,後來為發展新市鎮而縮窄為城門河


14 則留言:

  1. 第一張照片應是畢打街畢打行,右后面的小賣店,現在還有?

    回覆刪除
  2. 噢,圖七八九,西灣河西荷大茶樓,東大街口東如酒家都有幫趁過,嘩,服咗咯,咁多金相片!仲有白制服嘅"電車佬"趟閘嘅電車,真係要請西環大哥飲茶咯!

    回覆刪除
  3. "1941年一輛在德輔道中前往“愉園”的電車.", 前天看這照片時看到電車車頭上顯示牌,英語Happy Valley,但中文只有两個中文字,但看不清.看車身側面顯示牌是三個中文字,想來想去想不通,原來是“愉園”! Thank you!

    回覆刪除
  4. I have had a hard time with this particular piece of blog, for some weird reasons the whole blog was cancelled, not once, but twice
    呢個Blog完全係一個"愛香港,愛文化"的網頁,各人應該用心愛護,不過今時今日的世界,很多莫名其妙的"反,憤,多手"份子,就如街頭街尾的塗鴉一樣,破壞是牠們嘅生活部份,唯有無奈忍受咯.

    西環威利麻街深水埗個碼頭左手面的海堤係六十年代有好多熟食小販,老鬼前曾提個嘅牛雜粥就係係果度,

    回覆刪除
  5. 道友在追龍 (吸食鴉片). 香港政府於1945年嚴禁鴉片,六十年代因其他毒品興起,吸食鴉片遂逐漸式微
    西環大佬,哈哈,,,追龍不是吸食鴉片的意思,追龍是純指吸食海洛英,來由是"形象",因為吸食海洛英是把海洛英粉末放在錫紙上,用一洋燭點火在下面燂至起烟,然後用一飲筒,追著吸取那些如神龍擺尾般烟霧的毒品,有如追龍也!我兒時居住在中環伊利近街,後窗對住後巷,就係道友聚合地方,十分熟悉,做學徒時也曾嘗一口,很難受,從此怕怕!!!
    後來因貪方便,攺用打針方法!
    鴉片館係七十年代還有,系係新界,老鬼又去過,家陣冇咯!

    回覆刪除
  6. "位於荷李活道 "大笪地" 內的一棟建築物"這張照片師兄你都找到!利害,我童年大約四,五歲時見過這一棟建築物,那時有親人住在這裡附近,這一棟建築物附近以前有個街市,人來人往.

    回覆刪除
  7. 留意廣告牌上面兩行的字非常難讀
    其實唔難讀,只因我哋都係戰後仔,乜乜解放後,把中華文化改到亂咗龍,(又唔可以賴晒佢地,五四運動開始已經有咁勢頭),戰前,中文不論橫寫掂寫都係由右至左,通常都係直寫多),所以此相片之時期,一般人唔覺得有問題,馬士葛公司武俠......簡單!
    家陣好多香港嘅酒家或者鋪頭有時攞對"對聯"出嚟掛,或者舊曆年的對聯,好鬼多都係左右掉鬼轉,,,算啦,都冇人計較,,,,
    家陣慢慢俾啲簡體字入侵,都係無可奈何,無眼睇,,,

    回覆刪除
  8. 圖最左邊的矮建築物是 "經濟飯店"。老鬼開始識行時,老豆好多時帶我去飲茶食飯,貪平呀嗎!
    大笪地裏頭好多算命睇相舖仔,其中一間右手便第六十號叫竹松軒,果位大師叫李學勤,
    老鬼一出世,老豆老媽子攞咗我八字俾佢批,,,幾十年後,睇番過去,完全都唔係佢所批嘅,嘥鬼氣,睇到西環大佬呢幅想,諗番起,,,,原嚟老豆老媽子一早俾佢呢條友仔呃!!!!
    點解?,,,原嚟佢呢條友都好老實,擺明搵你地老襯,,,佢間算命館叫"竹松軒"...."捉蟲牽",,幫趁佢捉蟲兼牽強呀嗎,,,咁我全家俾佢搵咗幾十年笨!!!!

    後嚟,係八十年代香港又出咗個批命風水大師叫"李克勤"唔知係唔係佢啲後人呢,吓!(申明,無褒眨意思,無惡意,無其他意思,只係好奇問一問,)

    回覆刪除
  9. "1941年一隊出殯隊伍經過皇后大道中娛樂戲院" 你看果時的棺材車﹐起碼有尊嚴的感覺﹐現在一般能租用果架﹐我租架貨Van 好過。 香港人生活水平進步了﹐但口口聲聲話重禮節﹐但很多儀式都變得。。 (儀式簡化不是問題﹐只是把儀式變得太兒戲就沒有了文化)

    回覆刪除
  10. 最經典的是竟然看到筲箕灣一帶的彩色舊照,多謝分享!

    回覆刪除
  11. 擦鞋中環重有,記得吖爸上環就去擦鞋。

    回覆刪除
  12. 深水埗碼頭是否有船去澳門架?

    回覆刪除
  13. 個時出殯同婚嫁都可遊行,真係生榮死哀,家下就蒞簡化到揾張蓆捲埋算數,遲些可能拿去填土區當入葬,連火化都慳番,況且墳地同骨灰庵一樣咁貴。

    至於結婚點會攪咁大陣仗,坐大紅花橋都唔夠亞二手段,今日結話唔定聽日離,實停我話個個港女$500多鬼餘,今次人家做$500人情收咗先,假設唔係,無下次,即如張天愛咁,結完又離,離完又結,結足四次,次次做足人情米死。

    回覆刪除
  14. 西環師兄,今晚經過厚和街看見"新興食家"在本月二十九日結業!

    回覆刪除