西環的黃金歲月: 8月 2021

2021年8月21日星期六

依稀往夢似曾見 (1)

Good morning, yesterday

You wake up and time has slipped away

And suddenly it's hard to find

The memories you left behind

Remember, do you remember?

The laughter and the tears

The shadows of misty yesteryears

The good times and the bad you've seen

And all the others in between

Remember, do you remember

The times of your life?

Reach out for the joy and the sorrow

Put them away in your mind

The memories are time that you borrow

To spend when you get to tomorrow

Here comes the saddest part

The seasons are passing one by one

So gather moments while you may

Collect the dreams you dream today

Remember, will you remember

The times of your life?

Gather moments while you may

Collect the dreams you dream today

Remember, will you remember

The times of your life?

金鐘道“死亡彎角” 五十年代仲未拉直路面前, 此路段被稱為金鐘道“死亡彎角”

孭細佬妹，唔係女仔專責，男仔都要做

未來奧運乒乓波選手？有冇喺徙置區樓下石波枱打過波?

六十年代電車司機趁到筲箕灣總站時利用小得可憐嘅午飯時間坐喺樓梯邊食午餐

六十年代尖沙咀火車站內乘客等候區, 讀中學嘅時候，同朋友去新界旅行，都係喺尖沙咀火車站集合，然後浩浩蕩蕩坐火車入新界，呢度俾咗我好多美好嘅回憶

我諗冇乜人會認得呢座建築物, 呢個係彌敦道旺角警署, 建於1919年, 現址已改建為政府貿易處大廈

六十年代油蔴地甘肅街廣智戲院, 聽說廣智戲院除了放映電影外, 星期日早上會有宗教團體喺塲內舉行佈道會，散塲後仲會有奶粉、餅乾派, 吸引唔少窮苦人家入埸聽道理

幾個細路仔匿埋喺紙箱度當係車, 咁都可以玩餐飽,，足見當年生活真係好樸素簡單，少少嘢都可以開心大半日

五十年代過年燒炮仗，細路仔就最開心. 我記得有年嘅年初一跟屋企過海拜年，喺佐敦道碼頭嘅巴士站俾一個電光炮迎面掟過嚟，喺我塊面前幾吋爆炸，個炮仗再掟過些少我可能就已經變咗獨眼

四十年代彌敦道九龍巴士總部, 現址已改建為始創中心

六十年代牛頭角巴士總站嘅員工茶水檔, 當年巴士司機得短短半小時用膳時間，茶水檔遂成為司機們不二之選。茶水檔經營權由巴士公司公開招標，以茶餐廳形式經營，供應嘅膳食種類雖然較坊間一般茶餐廳少；然而由於營運成本較低，食物亦相對便宜, 甚受司機們歡迎, 故此經營茶水檔曾是一門不錯的生意

讀書又唔見你哋咁勤力

位於中環干諾道中海事處總部, 建於1927年, 八十年代初拆卸，連同後面嘅恒星戲院一併改建成為今日嘅無極限廣場

你試過咁樣玩過未？我真係試過, 老媽子有架差唔多同款嘅衣車，追隨咗佢起碼五十年，我靚仔嘅時候好鍾意坐喺衣車下便嘅腳踏板搖來搖去，感覺好似喺遊樂場玩緊一人搖搖板

四十年代末中環海旁一帶, 當時仍未大規模填海，可見卜公碼頭和天星碼頭，右邊遠處的建築物是舊香港會

六十年代街頭經常可見嘅走鬼鏡頭，而家睇嚟好似好滑稽，但身處其境，都咪話唔驚險緊張; 小販推住木頭車橫衝直撞，路人則爭相左閃右避，以免輕則被木頭木頭車撞傷，重則若碰上熟食車仔翻車，便可能會被滾油燙傷，情況可大可小

六十年代初山頂盧吉道風情, 十足十一張甫土咭

五十年代中環，左邊遠處係告羅士打行, 右邊則為舊太子行

恒生銀行總部嘅 "前世"; 中環消防局

五十年代嘅旺角大世界戲院, 現已改建為百匯軒

六十年代中環皇后大道中向西望，右邊可見龍子行，茂昌，亞洲鞋等老友記

大笪地食東風螺，摻啲甜醬麻油，簡直係人間美味

由雀仔橋國家醫院入口處向東望, 圖正中遠處人字頂的高樓，應該嘅近荷李活道往皇后大道西交界處嘅高陞大樓。橋底逾百年的公廁在卅年前封了, 目前香港碩果僅存嘅地下公廁位於皇后大道中和威靈頓街交界處

五十年代由德輔道中永安公司向東望，左邊可見到新世界戲院, 新世界戲院七十年代初改建為恒星戲院，戲院1982年初被拆卸，1987年後重建為無限極廣場. 我曾經喺恒星戲院睇過套悶到我喊嘅"西線無戰事"

六十年代皇后大道中和水坑口交界處向東望，近鏡頭處即為有記合燒臘，而鏡記麵廠則已遷往灣仔太和街多年了

七十年代由皇后大道中和威靈頓街交界處向東望向得雲茶樓. 得雲茶樓於1992年得雲結業, 原址改建為新紀元廣塲，結業時老板於店門外貼啟事曰：「花開自然花落，明月幾見常圓。盛筵無有不散，歡歡樂樂收場」盡顯老闆灑脫不群嘅人生觀, 與梁蘇記結業啟事有異曲同工之妙

人頭湧湧嘅閣麟街，左邊可以見到大華公司國貨公司嘅入口，七，八年代老媽子星期六日都會逛大華，除幫襯長駐門口嘅線面婆外, 佢亦好鍾意行2樓嘅超市同埋3樓嘅服裝部，好多時候我哋會約喺呢個門口等，然後行落電車路三興食粥同埋雲吞麵

六十年代嘅火燭車，呢度係中環消防總局，七十年代尾改建為恒生總行

2021年8月1日星期日

以在粵語片中載歌載舞的女星來說，當以蕭芳芳和陳寶珠最多，其原因也非常明顯，兩位都是60年代的當紅青春偶像，而60年代剛好西風東漸，年青人對西方各種事物都趨之若鶩，開始厭倦新馬仔唱改編自粵語小調的電影插曲，所以當時的青春歌舞片為了吸引年輕一代的觀眾入場，都加插歐西流行歌曲改編的插曲，以及當時流行的最新舞蹈，譬如阿哥哥，扭腰舞等，兩人當中以蕭芳芳形象較為西化，故此她經常在電影裏面大跳現代舞，而陳寶珠可能在這方面稍有不及，故此她所表演的舞蹈反而較多元化，譬如日本舞，泰國舞甚至牛仔舞等。一個很有趣的現象， 60年代的女星大部份都能歌善舞，故此戲裏面的插曲都是親自演唱，惟男主角們可能對自己的歌聲無甚信心，故此大多請人幕後代唱，其中最出名的是靳永棠，他可說是呂奇的御用幕後代唱歌星，在 "姑娘十八一朵花" 裏面他和陳寶珠郊遊的唱遊片段，其聲線幾可亂真，若不說穿，你真的會以為那是呂奇親自演唱. 然而世事難料，正如網友所言，胡楓在拍片時鮮有開金口唱歌，惟他在近90歲的高齡，卻在紅館開演唱會，打破了最高齡藝人開演唱會的紀錄，怎一個服字了得.

(24)" 大家歡樂在今宵"插曲

(A) 鄭君綿唱 "賣貨歌", 改編自電影"仙樂飄飄處處聞"插曲"Do Re Me".若想欣賞歌舞片段可按下面連結 (歌曲片段由1:19至3:32):

https://youtu.be/5mFLB6cWe4A

鄭君綿在" 大家歡樂在今宵"唱 "賣貨歌" 1. 蔡和平在無缐開台後不久，即監製並推出大型綜合娛樂節目歡樂今宵，並大受歡迎，很多片商見獵心喜,力邀歡樂今宵藝員們出演冠以歡樂今宵一詞的電影，冀求觀眾將喜愛歡樂今宵的感情幅射至電影，買飛捧場，記憶中同類電影起碼拍過三幾部，而以此齣最受歡迎，票房好像亦最高，嗣後亦有以歡樂今宵單元劇為名的電影推出，譬如由李香琴和譚炳文主演的大鄉里，票房好像亦不俗

鄭君綿在" 大家歡樂在今宵"唱 "賣貨歌" 2

(B) 沈殿霞，杜平，鄭君綿唱 "三劍俠耀武揚威"，原曲來自電影"桂河橋"主題曲 "Colonel Bogey March".若想欣賞歌舞片段可按下面連結(歌曲片段由9:48至11:47):

https://youtu.be/5mFLB6cWe4A

沈殿霞，杜平，鄭君綿在" 大家歡樂在今宵"唱 "三劍俠耀武揚威" 1

沈殿霞，杜平，鄭君綿在" 大家歡樂在今宵"唱 "三劍俠耀武揚威" 2

(25) 蕭芳芳唱 "我愛阿哥哥"，來自電影"我愛阿哥哥"，原曲是Mcoys 的"Hang on Sloopy". 若想欣賞歌舞片段可按下面連結:

https://youtu.be/Xuse6b89uz4