總瀏覽量

2009年6月12日 星期五

粵語片的經典的場面和對白




 





 





 





 





 





 





 





 





 





 





 





 





 





 





 





 





 





 





 





 





 





 





 





 





 





 





 





 





 





 





 





 





 





 





 





 





 





 





 


粵語片的經典的場面和對白


 


粵語裏面有很多經典的場面和很[過癮]的對白, 當中你記得幾多, 有幾多起你會心微笑, 又有幾多會動你懷舊的柔情.


 


·   女主角 (梅綺/紫羅蘭)問愁眉不展的男主角(吳楚帆/張活游) : “強哥,因咩事咁閉翳啫?


 


·   黃曼梨/李月清勸想自殺或自殺不成的女主角: “螻蟻都尚且偷生, 更何况係人呢!”


 


·   對住錯而能改的男主角: “人誰無過呢? 知錯能改, 善莫大焉.”


 


·   女主角為供男主角出國讀書,甘願做歌女,男主角學成歸來後找到高薪厚職,得知女主角做歌女,惱恨之下不聽解釋, 怒罵女主角說:你為咗錢,可以出賣自己,你唔潔身自愛,你貪慕虛榮”.  隨即從口袋裏拿出一大疊錢來恨恨地掟向女主角面上說:妳鍾意錢吖嗎, 錢呀?錢呀!


 


·   女主角同奶奶講:我生係你x家人,死係你地x家嘅鬼


 


·   電影中若果要交待女主角被侵犯, 鏡頭便會影著一枝玫瑰花被一片片地剝落, 然後雷電交加, 意即說女主角被奸角蹂躪


 


·   包租婆陶三姑/包租公高佬泉惡型惡相的對租客新馬仔/鄧寄塵:你班依撈七今日若果仲唔租交, 聽日抨晒你地走


 


·   無研究之至


 


·   奇哥的專用罵語: “你地呢班無恥嘅飛仔, 社會嘅敗類, 人渣


 


·   男女主角調情時,除了[攞個心出嚟]之外,還有一招; 男主角舉起三隻手指發誓:「如果我XXX有負XXX,我就不得好死!」, 之後女主角跟者捂住男主角的嘴說「唔准你亂講」


 


·   俾個良心你當狗肺


 


·   五六十年代的寫實粤語片中,經常聽到男主人感概地說:「喺呢個人浮於事的社會裏面...


 


·   電影中若果要交待時光流逝, 鏡頭便會影著一片落葉隨著河水飄流, 然後銀幕上打出十八年後的字幕, 意即說劇情己經發展到十八年後


 


·   關德興飾演的黃飛鴻瞪大銅鈴般的眼喝罵由曹達華/林蛟/西瓜飾演的一眾徒弟說你班馬騮, 呢次真喺俾你哋激死


 


·   石堅叔演的奸人堅口震震的跪在地上說, 我知錯嘞, 係我唔啱, 求你大人有大量, 放過我呢一次啦


 


·   粵語片 一眾女主角如林鳳, 白雪仙等被由任冰兒/陳好球飾演的妹仔調侃喜歡男主角時, 都會嫡嗔地說  你都冇解嘅, 笑人哋”, 然後當妹仔繼續調笑下去, 女主角便會詐作嬲怒說 , 妳重講, 信唔信我打妳吖嗱



·   馬笑英講得最多的感歎語 (通常是在幸災樂禍的情况下說) “ 唉也, 乜咁都有架, 真係該煨/ 該磚咯


·   食碗面,碗底


·   , 等我我撚化吓佢至得


 


·   奸妃李香琴滿面委屈的哭著說 聖上, 我唔制呀, 你要同我主持公道


 


·   飾演皇帝的麥炳榮, 少新權怒執奸妃李香琴的頭髮   我把你個賤人, 你個奸妃


 


·    叫人不可慌張 你唔駛慌 


 


·   勸人不可糾纏於無希望的感情愛情係唔能夠勉強架


 


·   你唔好含血噴人


 


·   師妹, 今晚個月色真係靚咯


 


·   各路英雄, 後會有期


 


·   你地已經被重重包圍, 精哋就舉手出嚟投降


 


·   當壞人女主角勸酒時, 她們的回應通常對唔住, 唔識飲酒


 


·   呂奇含著淚對寶珠說 對唔住, 我錯怪咗你


 


·   幾乎每套黃飛鴻電影奸人堅都會對著黃飛鴻係處/想做架樑


 


·    古裝粵劇片男主角瞪大對眼問  當真?(答)當真;果( ”) 然?(答)果然跟著男主角便喊著唱 唉也也,,,”


 


·   時裝片的男主角 芬妹, 妳嫁畀我好唔好?
女主角刁條忸怩裝害羞
答道  我唔知!


 


·   古裝粵劇片的父母得知女兒喜歡窮書生, 便會教訓道說 婚姻大事係由父母作主、父母之命、媒妁之言, 點由得你私訂終生


 


·   古裝粵劇片的父母對男/女主角說 /你哋自細已指腹為婚


 


·   駱恭/曹達華/司馬華龍飾演探長的偵探片, 結尾例牌講呢句  帶晒佢哋返去


 


·   偵探片探員(通常由朱由高飾演) 最常說的一  " 報告探長, 我哋搜勻哂全間屋, 都揾唔到喎 "


 


·    陶三姑/大聲婆替麥基/鄭君綿飾演的花花公子做媒, 眉開眼笑的對他說  "少爺, 你對阿蓮一定係生滋貓入眼 ... , 一切包喺我身上 "


 


·   馮寶寶/黎小田等童星講得最多的一句話  " 阿媽, 我唔讀書咯, 我想出離做野搵錢, 等阿爸唔使咁辛苦啊 " , 而飾演母親的白燕/黎雯則回答說 你哋咁細個, 識得做啲乜嘢吖


 


·    胡楓教細路最常說的一句話 " 小文, 小玲, 要勤力讀書, 將來大個喺社會做一個有用嘅人 "


 


·    力抗色狼的經典場面


 


主角 :“ ....你唔好埋嚟呀! 我嗌架

奸角 (石堅 / 姜中平) 戚眉戚眼地說:“ 哈哈哈, 你嗌啦, 你嗌破喉嚨都冇人聽到架啦


 


·   黎雯對寶珠/芳芳 " 乖女, 你真係生性, 真係冇用, 生咗嗰咁嘅病, 連累咗妳, 亞媽真係對你唔住 ... !!! "


·   沈殿霞調侃寶珠/芳芳 " 表姐, 我睇你係對新搬入嚟果個男住客有意思嘞, 啍啍, 你十月芥菜啦... 嘻嘻...”

寶珠/芳芳滿臉通紅的
" , 你個肥妹吖, 笑人哋, 我打過你至得"


·   吳楚/張活游罵飾演兒子黎小田 " 你個衰仔, 我哋雖然係窮, 但係窮得有骨氣, 你竟然學人偷野 ?"


·   失散了的兄妹 (通常係胡楓/林鳳) 相認的場面:



" , 芳妹,
原來你係我親生亞妹嚟架?"
" 阿媽, 究竟峯哥係咪真係我阿哥呀, 你講比我聽啦, 你講
"


 


失散了的母子/父女 (通常係鄧碧雲,余麗珍 /家聲, 張瑛) 的場面:


 


乜話, 你就係我親生嘅亞媽?”


快的埋去叫聲亞媽啦


唔喺, 佢唔係我亞媽


快啲行埋去跪喺佢面前叫聲亞媽


我真係估唔到會係咁嘅


 


·   酒醉或者藥力過後..女主角衣衫齊 (連頸鈕都未解開) 的從床上坐起來, 自言自語地說 點解我會係度嘅? (唸一輪)...! 我醒起啦, 琴晚,,,”


 


·   時裝片的調情場面; 主角向女主角深情款款的說的說 我唔能夠無” , 女主角則向男主角拋個媚眼後答道 鬼至信你吖”.  男主角發了急 咁你要點至信我吖, 不如我攞個心出嚟比你睇”, 女主角用捂著男主角的口說 唔准你亂講


·   女主角向男主角又愛又恨地說 我恨你...我恨你..”然後鏡頭一轉, 窗外雷電交加


·   窮家女向想用錢誘佢上床的濶少罵道  錢唔係一切, 人係有尊嚴


 


·   馬笑英、黃曼梨鬧媳婦白燕吳君麗  你隻衰嘢正一[掃把星][陀衰家], 信唔信我攞堀頭掃掃把抨你走


 


·   大家隔離隣舍, 冇計嘅



 

54 則留言:

  1. SD南瓜王頑駄無大將軍2009年6月12日 上午9:49

    頭兩張相係"工廠少爺",俞明飾演"丁一三",口頭蟬係 "你係得o既!";關海山飾演"周文炳",戲內非常火爆;張英才飾演"王本甲",係名符其實的工廠少爺,隔離李鵬飛飾演"王大明",係大明企業董事長,即王本甲爸爸。 呢套戲好好睇,我睇到識背.....

    回覆刪除
  2. very interesting pic, Young 關海山 was very handsome!

    回覆刪除
  3. 勁!我諗唔到新一句,全部俾你囉晒

    回覆刪除
  4. 仲有就係: ..當男女主角調情時,除了攞個心出黎之外,仲有係舉起三隻手指發誓:「如果我XXX有負XXX,我就不得好死!」之後女主角亦同樣捂住男主角的嘴說「唔淮你亂講」。 ..「俾個良(狼)心你食當狗肺」 ..係五六十年代的寫實粤語片中,經常聽到「係呢個人浮於事的社會...」不過,我們驚覺這句說話在半個世紀後,竟同樣適用於今日的香港......

    回覆刪除
  5. 我記得細個既時候, 總係睇完十一點幾既粵語長片先返學架..而果D經典對白....真係諗起都覺得好親切....呢D日字真係令人回味...而家已經無得再睇啦.

    回覆刪除
  6. 有一幕,雷電交加,腳踩地上花。

    回覆刪除
  7. SD南瓜王頑駄無大將軍2009年6月12日 下午7:02

    仲有一句係:「你地呢班無恥o既飛仔......」,要用奇哥專用tone讀出!

    回覆刪除
  8. 你所講o既對白我都有d印象,只係唔記得o係邊套戲聽過啫……我都記得以前有朝早十點鐘o既粵語片時段,不過o個陣我仲係一個返上晝班o既小學生,所以好多時都要等到考試之後,未放暑假或者未到新學期之前,先至有機會睇到,有時會睇到一幾有意思的粵語片 ,只可惜片名有好多都唔記得,只係記得幾套,例如《冷秋薇》、《冷暖親情》、《瘋婦》、《四代同堂》……後嚟連呢個時段又取消,e家想再睇返都唔容易……

    回覆刪除
  9. 真係好正呀.

    回覆刪除

  10. 我好懷惗石堅叔嘅粵語片年代!! 相信佢演出嘅奸角後無來者啦!!

    回覆刪除
  11. 利害,利害,配服得五體投地。 話時話,你以前唔駛讀書咩? 邊有咁多時間。

    回覆刪除
  12. 你真係好有心機,佩服!

    回覆刪除

  13. 請問這齣戲是 雷雨 ? 家春秋 ?我記得是很高水評的電影,以現在眼光來看也是一樣。

    這地方應似是彌敦道,公園背後新都酒樓該是平安大厦,右旁是政府大樓,公園座落在加士居道轉入彌敦道交界,旁邊即賽馬會銷售 大馬標 地方 ,毗鄰為普慶戲院,圖片顯視應是六十年代。

    後面七位是七小福?
    ~~~~~~~~~~~~~~~~~~~~~~~~~~~~~~~~
    梁兄記得有位女演員名叫玫瑰女嗎,可否貼出來,小弟在網上找不到。

    回覆刪除
  14. 陶三姑:又無租交?
    高佬泉:依Low七....
    梁醒波:無研究之至、、、

    往事如煙、、、、、、七公主

    回覆刪除
  15. 哈哈! 郭兄, 我路過多口答你, 這齣不是雷雨呢! 因為雷雨沒有林妹妹主演的.

    玖瑰女, 年輕時很喜歡她呢! 不為什麼, 只因是靚女一名之餘, 配上少少低沉的聲線, 確有別於一般玉女.

    回覆刪除
  16. 玖瑰女, 年輕時很喜歡她呢! 不為什麼, 只因是靚女一名之餘, 配上少少低沉的聲線, 確有別於一般玉女.
    俏丫嬛

    回覆刪除
  17. 粵語長片年代己有" 天线得得B "

    回覆刪除
  18. 粵語長片年代,己有 天线得得B了

    回覆刪除
  19. 好精彩! 我都係【長片】迷,本人買咗好多vcd,dvd來作收藏,<金蘭姊妹>值得一看,有梅綺、蘿蓮、黄蔓莉、講打住家工<馬姐>,如何自食其力,結宜金蘭,mary姐重為咗<事頭>嗰仔,將自己積蓄打本比少爺做走私貨,劇情好有人情味。

    回覆刪除
  20. 女主角為供男主角出國讀書,甘願做歌女,後來學成歸來有工又揾到錢,得知女人做歌女,唔聽解釋就會講:你為咗錢,可以出買自己,你唔潔身自愛,你貪慕虛榮。跟住男主角攞啲錢出嚟恨恨地掟落女主角塊面到:錢呀?錢呀!
    女主角多數同奶奶講:我生係你x家人,死係你地x家鬼。奶奶:咁好啦,同你立個貞節牌坊,你以後唔好行差踏錯,如果唔係你就知死。奶奶好大力篤個<新抱>個頭。

    回覆刪除
  21. 又係我,這套係<危樓春曉>我都有 vcd,一個字【正】

    回覆刪除
  22. 好用心啊 ~ 正!
    加多句:" 強哥,因咩事咁閉翳啫?"

    回覆刪除
  23. 想起代表晚上陰森的配樂: : 「局局,..胡烏惡,局局,..胡烏惡」

    回覆刪除
  24. Mind if I add your addendums into my blog??
    Of course not, please!
    加送兩句:
    ..勸想自殺或自殺不成的女主角: 螻蟻都尚且偷生, 更何妨係人呢!
    ..對住錯而能改的男主角(或者男主角個仔): 人誰無過呢? 知錯能改, 善莫大焉.

    回覆刪除
  25. 老實講, 以前的粤語片大都發放強大的正能量, 導人向善, 確是一種良好的公民教育, 我輩自小耳濡目染, 就算遇到困難也咬緊牙關捱過去, 總想明天會更好, 姑勿論事實是否如此, 但人生態度積極, 就腐朽化神奇, 好比一齣齣神/童話.
    現今的電影傾向個人或現實主義, 而現實往往又令人失望, 一齣齣慘不忍睹的電影空群而出, 看了也令人沉痛不巳, 負能量超高, 而漸漸..電影院也少入了.

    回覆刪除
  26. SD南瓜王頑駄無大將軍2009年6月14日 上午7:48

    Thank you! That' s my pleasure to join your blog.....

    回覆刪除

  27. 係啦,呢度就係彌敦道/加士居道交界o既公園仔,左後面係平安大廈,正後面o既新都酒樓無佐,o個度個地鋪亦曾經係恆生銀行鋪位,家父個個月就去交供樓錢,而家做佐AA汽車會,而其上乃現今天橋通過再後一點的停車場直出海皮(未有停車場時係一大排3層高o既戰前舊樓同好多鐵皮蓋大排檔黎o架,舊樓街角係廣智戲院,即係甘肅街/廟街交界,我諗好少人知道曾經有過呢間戲院).
    右面政府大廈即現時之中央郵政局. 但我而家先知道係最右盡頭處的眾坊街口(以前叫公眾四方街的)原來係一間咁大o既古老舊宅,而家已變為一個籃球場. 我仲記得我細個時,個公園係好大,而家縮到好細,我就住響附近,好喜歡夜晚落個公園玩.

    回覆刪除

  28. 左一應是洪金寶

    回覆刪除

  29. 我估這齣戲是由周聰與謝賢主演的~ 難兄難弟

    回覆刪除
  30. 哈哈,無意中路過。你個blog D 懷舊相很珍貴。
    那些粵語長片對白好好笑。
    仲有叫人離開:「你扯~」,唔用你玩會講:「唔用你反」。

    回覆刪除
  31. 石堅算唔算係第一代金毛獅王? 讚呀!

    回覆刪除
  32. 王愛明 & 馮寶寶 都(強忍眼淚)講過:
    "亞媽/婆婆, 你賣左我啦! 賣左我,
    你咪有錢醫好細佬/亞媽嘅病囉!"

    回覆刪除
  33. 最記得吳楚帆的人人為我,我為人人及吳君麗的"你扯吧la"!

    回覆刪除
  34. It's strange, but one of my good friend in HK sent me an email with a link to your blog...about old HK!! He got it from a guy by the name of david Auyeung...now living in UK.... They were both students at DBS a long time ago...

    回覆刪除
  35. 而家仲有無粵/國語長片係本地電視台重播? 好想睇呀!!

    回覆刪除
  36. 我想請問你幾時會出書呀?要圖文並茂,雖然上你绸頁可欣賞,但一書在手那種感受不一樣的,我估計有很多綱友都想擁有一本書。欣賞你綱誌短短幾星期,現每天重温舊網頁,真令人懐缅過去,內容精彩,一定支持你,出書記得公佈天下。

    回覆刪除
  37. thanks for sharing!!!

    回覆刪除
  38. 發現了一個好好玩遊戲: 向姊姊讀出對白, 不讓她看blog中文字. 她就是可估中出自那個影星和片段, 可想而知, 這些對白是何其經典!
    說後這些對白, 腦中自然出現相應片段及對白語調, 這就是過癮之處!
    或許...80's 有 飲啖茶, 吃個飽!

    回覆刪除
  39. 第3張相是" 長髮姑娘"劇照,寶珠姐片中仲講( 唱 )粗口‧

    回覆刪除
  40. [大蕃薯]....回憶往事, 眼淚直流,
    1940年我才八歲, 家住中環歌賦街, 時時去(九如坊)戲院,
    拉扯大人衫尾, 入場睇免費電影, 請問各位老友記睇過粵劇嗎?
    如果唔夠錢買全票, 就要(打戲釘), 而家重有無...(打戲釘)啫??

    回覆刪除
  41. 包租婆陶三姑 / 包租公高佬泉惡型惡相的對租客新馬仔 / 鄧寄塵: ” 你班依撈七今日若果仲唔租交 , 聽日抨 晒你地走 ”..... cont'd :
    租客 : 包租婆, 通融吓啦 !
    包租婆(提高8度音調) : 通融 !? 你估呢度開善堂呀 !?

    回覆刪除
  42. 可否使用(中文)作簡單回應呢?? [大蕃薯] 英語略懂!
    因為二次大戰,(日佔香港)三年零八個月,九歲就失學,

    回覆刪除
  43. ~以前 D人講句野都斯文D~~

    回覆刪除
  44. 4-Finger Pianist 四指琴師--好感人!

    回覆刪除
  45. 電影中若果要交待女主角被侵犯 , 鏡頭便會影著一枝玫瑰花被一片片地剝落 , 然後雷電交加 , 意即說女主角被奸角蹂躪
    周星馳都用過!

    回覆刪除
  46. 閣下的私人珍藏堪稱包羅萬有,連曾楚霖 (第一張) 的照片也有保存。
    莫看他是配角,經常擔當草根階層小人物、道友,他可是大學生哩。

    回覆刪除
  47. 有「七小福」參與演出的那套電影的劇照,左邊的男演員,我想是駱恭。

    回覆刪除
  48. The most memorable scenes must be those when all the "Mo Lum" people come together for various reasons (like fighting to be the Head or a Verdict of some crime committed) with the most typical music used. The music can be heard in the following MV I've made from the posters of those movies.

    回覆刪除
  49. 回應webbburt777,
    這首音樂叫【闖將令】,五、六十年代關於武林的電影中常用。

    回覆刪除