粵語片的經典的場面和對白
粵語舊片裏面有很多經典的場面和很[過癮]的對白, 當中你記得幾多, 有幾多起你會心微笑, 又有幾多會動你懷舊的柔情.
· 女主角 (梅綺/紫羅蘭)問愁眉不展的男主角(吳楚帆/張活游) : “強哥，因咩事咁閉翳啫？”
· 黃曼梨/李月清勸想自殺或自殺不成的女主角: “螻蟻都尚且偷生, 更何况係人呢!”
· 對住錯而能改的男主角: “人誰無過呢? 知錯能改, 善莫大焉.”
· 女主角為供男主角出國讀書，甘願做歌女，男主角學成歸來後找到高薪厚職，得知女主角做歌女，惱恨之下不聽解釋, 怒罵女主角說：”你為咗錢，可以出賣自己，你唔潔身自愛，你貪慕虛榮”. 隨即從口袋裏拿出一大疊錢來恨恨地掟向女主角面上說：”妳鍾意錢吖嗎, 錢呀？錢呀！”
· 女主角同奶奶講：”我生係你x家人，死係你地x家嘅鬼”
· 電影中若果要交待女主角被侵犯, 鏡頭便會影著一枝玫瑰花被一片片地剝落, 然後雷電交加, 意即說女主角被奸角蹂躪
· 包租婆陶三姑/包租公高佬泉惡型惡相的對租客新馬仔/鄧寄塵：”你班依撈七今日若果仲唔租交, 聽日抨晒你地走”
· 波叔：”無研究之至”
· 奇哥的專用罵語: “你地呢班無恥嘅飛仔, 社會嘅敗類, 人渣”
· 男女主角調情時，除了[攞個心出嚟]之外，還有這一招; 男主角舉起三隻手指發誓：「如果我XXX有負XXX，我就不得好死！」, 之後女主角跟者捂住男主角的嘴說「唔准你亂講」
· 俾個良心你當狗肺
· 五六十年代的寫實粤語片中，經常聽到男主人感概地說:「喺呢個人浮於事的社會裏面...」
· 電影中若果要交待時光流逝, 鏡頭便會影著一片落葉隨著河水飄流, 然後銀幕上打出”十八年後”的字幕, 意即說劇情己經發展到十八年後
· 關德興飾演的黃飛鴻瞪大銅鈴般的眼喝罵由曹達華/林蛟/西瓜刨飾演的一眾徒弟說“你班馬騮, 呢次真喺俾你哋激死”
· 石堅叔演的奸人堅口震震的跪在地上說”我, 我知錯嘞, 係我唔啱, 求你大人有大量, 放過我呢一次啦”
· 粵語片 一眾女主角如林鳳, 白雪仙等被由任冰兒/陳好球飾演的妹仔調侃喜歡男主角時, 都會嫡嗔地說 ”你都冇解嘅, 笑人哋”, 然後當妹仔繼續調笑下去, 女主角便會詐作嬲怒說 “ 哈, 妳重講, 信唔信我打妳吖嗱 ”
· 馬笑英講得最多的感歎語 (通常是在幸災樂禍的情况下說) “ 唉也, 乜咁都有架, 真係該煨/ 該磚咯 ”
· 食碗面,反碗底
· 好, 等我我撚化吓佢至得
· 奸妃李香琴滿面委屈的哭著說 “ 聖上, 我唔制呀, 你要同我主持公道 ”
· 飾演皇帝的麥炳榮, 少新權怒執奸妃李香琴的頭髮 “ 我把你個賤人, 你個奸妃 ”
· 叫人不可慌張 “ 你唔駛慌 ”
· 勸人不可糾纏於無希望的感情 ”愛情係唔能夠勉強架 ”
· 你唔好含血噴人
· 師妹, 今晚個月色真係靚咯
· 各路英雄, 後會有期
· 你地已經被重重包圍, 精精哋就舉手出嚟投降
· 當壞人向女主角勸酒時, 她們的回應通常是 ”對唔住, 我係唔識飲酒嘅 ”
· 呂奇含著淚對寶珠說 “對唔住, 係我錯怪咗你”
· 幾乎每套黃飛鴻電影奸人堅都會對著黃飛鴻說 “ 係處/想做架樑 ”
· 古裝粵劇片男主角瞪大對眼問 ”當真？（答）當真；果(音”窩 ”) 然？（答）果然”跟著男主角便喊著唱 ”唉也也,,,”
· 時裝片的男主角 “ 芬妹, 妳嫁畀我好唔好？
女主角刁條忸怩裝害羞答道 ”我唔知！”
· 古裝粵劇片的父母得知女兒喜歡窮書生, 便會教訓道說 “婚姻大事係由父母作主、父母之命、媒妁之言, 點由得你私訂終生”
· 古裝粵劇片的父母對男/女主角說 “ 你/你哋自細已經指腹為婚 ”
· 駱恭/曹達華/司馬華龍飾演探長的偵探片, 結尾例牌講呢句 ”帶晒佢哋返去 ”
· 偵探片中探員(通常由朱由高飾演) 最常說的一句話 " 報告探長, 我哋搜勻哂全間屋, 都揾唔到喎 "
· 陶三姑/大聲婆替麥基/鄭君綿飾演的花花公子做媒, 眉開眼笑的對他說 "少爺, 你對阿蓮一定係生滋貓入眼 ... 嗱嗱, 一切包喺我嘅身上 "
· 馮寶寶/黎小田等童星講得最多的一句話 " 阿媽, 我唔讀書咯, 我想出離做野搵錢, 等阿爸唔使咁辛苦啊 " , 而飾演母親的白燕/黎雯則回答說 “你哋咁細個, 識得做啲乜嘢吖”
· 胡楓教細路最常說的一句話 " 小文, 小玲, 你哋要勤力讀書, 將來大個喺社會做一個有用嘅人 "
· 力抗色狼的經典場面
女主角 :“ 你..你..你唔好埋嚟呀! 我嗌架 ”
男奸角 (石堅 / 姜中平) 戚眉戚眼地說:“ 哈哈哈, 你嗌啦, 你嗌破喉嚨都冇人聽到架啦 ”
· 黎雯對寶珠/芳芳 " 乖女, 你真係生性, 我真係冇用, 生咗嗰咁嘅病, 連累咗妳, 亞媽真係對你唔住囉 ...唉 !!! "
· 沈殿霞調侃寶珠/芳芳 " 表姐, 我睇你梗係對隔離新搬入嚟果個男住客有意思嘞, 啍啍, 你十月芥菜啦... 嘻嘻...”
寶珠/芳芳滿臉通紅的回答說 " 哈, 你個肥妹吖, 笑人哋, 我打過你至得"
· 吳楚帆/張活游罵飾演兒子的黎小田 " 你個衰仔, 我哋雖然係窮, 但係窮得有骨氣, 你竟然學人偷野 ?"
· 失散了的兄妹 (通常係胡楓/林鳳) 相認的場面:
" 吓, 芳妹, 乜原來你係我親生亞妹嚟架?"
" 阿媽, 究竟峯哥係咪真係我阿哥呀, 你講比我聽啦, 你講啦 "
失散了的母子/父女 (通常係鄧碧雲,余麗珍 /林家聲, 張瑛) 的場面:
“乜話, 你就係我親生嘅亞媽?”
“快的埋去叫聲亞媽啦”
“唔喺, 佢唔係我亞媽”
“快啲行埋去跪喺佢面前叫聲亞媽”
“我真係估唔到會係咁嘅”
· 酒醉或者藥力過後..女主角衣衫齊整 (連頸鈕都未解開) 的從床上坐起來, 自言自語地說 “ 點解我會係度嘅? (唸一輪)...呀! 我醒起啦, 琴晚,,,”
· 時裝片的調情場面; 男主角向女主角深情款款的說的說 “ 我唔能夠無咗你” , 女主角則向男主角拋個媚眼後答道 ”鬼至信你吖”. 男主角發了急 “咁你要點至信我吖, 不如我攞個心出嚟比你睇”, 女主角用捂著男主角的口說 “唔准你亂講”
· 女主角向男主角又愛又恨地說 “ 我恨你...我恨你..”然後鏡頭一轉, 窗外雷電交加
· 窮家女向想用錢引誘佢上床的濶少罵道 ” 錢唔係一切, 人係有尊嚴 ”
· 馬笑英、黃曼梨鬧媳婦白燕、吳君麗 ”你隻衰嘢正一[掃把星]、[陀衰家], 信唔信我攞堀頭掃掃把抨你走”
· 大家隔離隣舍, 冇計嘅
