早前寫了一個名為 " 娛樂萬花筒- 配音電視片集篇" 的網誌，引起了我追尋這批曽主演過五，六十年代片集演員們近況的興趣，老實說他們現在即使仍在世，大部分都年過八十, 垂垂老矣了. 下面我張貼了15幀當年演員們的近照/老年照，看看你能否認出他們來？箇中有些比較容易的( 主角比較出名，容貌也沒太大的改變)，也有些比較難的 (即主角沒那麼出名，又或者容貎衰老得比較嚴重). 不管如何， 閣下若能認出超逾其中一半者，已可算是超級電視迷了。
謎底我將於兩星期後揭曉。
由於網友貴兄輕易估中其中絕大部份，故此我決定提早揭曉，不知大家對歲月在這些演員面上所劃下的痕跡，有何感受？
(1) Johnny Whitaker, 飾演合家歡 ( The Family Affair) 的豬仔
(2) kathy Garver, 飾演合家歡( The Family Affair)的思思
(3) William Shatner, 飾演星空奇遇記 (Star Trek) 的卻克隊長
(4) David Hedison, 飾演海底歷險記 (Voyage to the bottom of the sea) 的李格蘭船長
(5) Roy Thinnes, 飾演侵略者( The Invader) 的大衛雲信
(6) James Darren, 飾演時光隧道( The time tunnel) 的東尼
(7) Lee Majors, 飾演無敵鐵金剛 ( The six million dollars man) 的岳史迪
(8) Robert Wagner, 飾演神偷諜影 ( It takes a thief) 的文迪
(9) Mike Connors, 飾演萬能士 (Mannix) 的萬能士
(10) Robert Stack, 飾演天羅地網 ( The Untouchables) 的李斯隊長
(11) Roy Ely, 飾演泰山 ( Tazan) 的泰山
(12) Peter Graves, 飾演職業特工隊( Mission Impossible) 的菲斯
(13) Don Adams, 飾演聰明特務 ( Get Smart) 的麥士
(14) Richard Chamberlain飾演喬迪醫生 (Dr. Kildare) 的喬迪醫生
(15) Daivd Janssen, 飾演亡命天涯 ( The Fugitive) 的金寶醫生
(16) 同場加映 : 認得出他是誰嗎?他是電影《兩少無猜》(Melody)的男主角麥理斯德 ( Mark Leister)
我試猜。
回覆刪除(1) 《合家歡》的豬仔。
(2) 《合家歡》的那個「大女」，忘記了名字。她下面是豬仔和小寶。
(3) 《星空奇遇記》(Star Trek)的卻克艦長。
(4) 《海底歷險記》中潛艇「海景號」的副主角，職位忘記了，可能是副艇長、隊長之類。
(5) 《侵略者》的主角大衛雲信。
(6) 《時光隧道》的兩位男角之一，阿德或者東尼，不肯定誰是哪個名稱，好似係東尼，就係佢好勝第一個走入去時光隧道。套片後來爛尾…嗚嗚…
(7) 實估到啦，《無敵金剛》岳史迪。
(8) 《神偷諜影》的文迪，真人羅拔韋納，當年好英俊呀。傳說佢老婆妮坦尼活好似被佢…咳咳…（流淚中）
(9) 《萬能神探》的主角，萬能士。
(10) 《人海狂潮》主角之一，忘記了劇中名字。
(11) 那條八字眉，極可能是《泰山》主角，朗牙利。
(12) 樣子有點熟，極可能是麗的電視/亞洲電視的劇集人物，阿媽只睇無線，不准轉台…估唔到。
(13) 九成係麗的電視播的…估唔到。
(14) 九成係麗的電視播的…估唔到。
(15) 估唔到。
(16) 呢位係電影《兩少無猜》(Melody)的男童角麥理斯德，佢好似無電視劇係香港播過喎。十幾年前日本電視台追踪過兩位男女童角，我係YouTube睇過，認到佢。
閣下端的是眼利，所提出的12個答案中猜中了11個，絕對唔簡單，唯一答錯的是10號，他沒有主演過人海狂潮，其實10號的仁兄樣貌應該不難認出，只要稍為細心觀察便可，另外我有些驚訝你竟然認不出15號，此位仁兄所主演嘅劇集甚為出名，另外他可算是英年早逝，離世時年僅49歲，故此他所謂晚年的照片，其實和他在主演有關片集的時候的容貌相差不遠，我相信你應該有能力認得出他來~~
刪除《人海狂潮》無線播，查出係"The Name of the Game"。
刪除https://goo.gl/Td49OG
照片左一就係10號，係Robert Stack，我應該無估錯。在Wiki查Robert Stack，原來佢仲有套麗的播的《天羅地網》(The Untouchables)，呢套我無睇。麗的另一套由羅渣摩亞做主角的《俠聖》我有睇。羅渣摩亞有型又靚仔。
查到15號係《亡命天涯》(Fugitive)主角，老老實實，係撞撞下，唔係我估到。《亡命天涯》麗的播，阿媽霸住電視機睇無線，我地做仔女係無可奈何的。博主有機會不妨寫篇「香港師奶霸住電視睇無線的歷史篇」，可能會引起不少讀者共鳴。
另外，14號極可能係李察張伯倫，我睇過他的電影，但記憶中無睇過無線播他的電視劇，所以當我估唔到，因為我講唔出任何劇名。
又，12號其實都有點印象，佢係《職業特工隊》的頭目，即係電影系列第一套中由莊威扮演的角色。我係當年睇電影時找過舊資料，認得係佢。不過《職業特工隊》視劇我係無睇過，所以唔想扮野話自己知。可能後來在其他電影、電視劇中也看過他作閒角的演出，但印象不深，說不出什麼眉目。
好嘢喎，老兄連未睇過嘅片集都能估得中，殊不簡單，尤其你能估到14號是李察張伯倫，小弟不得不拜服，因為相片中的老李頗為老態龍鍾，與他主演喬迪醫生時清秀俊朗可謂兩個模樣，當然歲月催人，年老色衰是人類無可逃避的命運。看來老兄只剩下13號仍未猜中，是否未看過他所主演的片集？（一個小小的提示，該片集亦曾拍過電影，由Steve Carell 主演）。另外我認識Robert Stack 是因為他主演聯邦密探隊，原來他亦曽主演人海狂潮，小弟孤陋寡聞，未曾與聞，敬請見諒。
刪除老兄憶述母親霸佔電視的往事，思之不覺莞爾，我童年時老媽無［霸住電視睇無線］惡行, 故恕無共鳴（一笑），惟我家最早購罝的電視機配有門鎖，老媽每次外出時必先鎖上,以防我們偷看，我至今對那個設計有鎖電視機的人仍恨得牙痕痕的，哈哈~~
謝謝博主誇讚，小弟不敢當。
刪除對我而言，李察張伯倫不難認，他當主角的電影《基度山恩仇記》(The Count of Monte Cristo)(1974)我看過，他現在老了，但那瘦長臉形無變。
Robert Stack在《聯邦密探隊》(The F.B.I.)中似乎無當過重要角色，博主會否誤會了他是伊斯堅隊長？伊斯堅係Efrem Zimbalist Jr.。
https://goo.gl/1HR5Sg
查到13號了，係Don Adams，套劇係"Get Smart"；電影《特務S嘜》(2008)我有睇，都幾好笑的。"Get Smart"應是麗的劇，無睇過。
「香港師奶∕阿媽霸住電視睇無線」是半真半戲言，重點在，不知何故女性總是慣性，係慣性，看無線翡翠台，當年日間我們有機會看麗的，六點打後就九成九係無線了，直到播完《歡樂今宵》為止。我家的第一部電視機是無門鎖的，就二部就有了，如你所言，我們咬牙切齒。哈…
咦...原來你正文已經開了估...我查Don Adams是白做了...哈哈...
刪除貴兄你啱，做依斯堅隊長既係Efrem Zimbalist Jr.，小弟搞錯嘅原因係因為Robert Stack喺聯邦密探隊片集裏面掛頭牌，佢所扮演嘅角色係Agent Eliot Ness, 亦即係電影版Untouchable 裏面Kevin Costner 所扮演嘅角色，由於Robert Stack喺成套片集裏面係最大名氣嘅，所以我下意識以為佢係做片集裏面最讓人留下最深刻角色嘅伊斯堅隊長。小弟記憶有誤，專此道歉。另外貴兄花時間去搜索13號圖片那位仁兄的資料，其實也不算白費，我估計係過程當中你亦享受到箇中樂趣，對不？
刪除安東尼兄，伊斯堅跟Robert Stack其實有幾分相似，看錯了亦等閒，絕不用道歉，我反而不好意思了，你處事嚴謹，我以後多向你學習。又，有你提供Steve Carell這貼士，我才能查出Don Adams。對，依著線索尋根究柢，有時很好玩的。:)
刪除啱啱翻查資料，知道自己點解搞錯了，因為當年差不多同時候有兩套題材同內容都非常接近嘅電視片集，講嘅都係同FBI有關，由Robert Stack 掛頭牌嘅係天羅地網 ( The Untouchables)， Robert Stack 係片集裏面嘅角色叫做李斯隊長，而由Efrem Zimbalist Jr. 掛跨頭牌主演嘅片集FBI（聯邦密探隊），佢所扮演嘅角色就係依斯堅隊長，兩套片集的內容甚為相似，所以發生混淆，特此更正～～
刪除原來咁。或者可說，你其實無混淆兩套片的主角樣貌，而係將兩套片名有時互換，因為題材、內容都太相近了。
刪除