依稀往夢似曾見 (2)

以前全套叫洗剪恤，女賓電髮都只係盛惠四個大洋, 難怪當時女士去飲之前，都要恤番個靚髪

水坑口舊影，仲係用煤氣街燈的年代，相信應該係50年代甚至以前嘅舊照

大笪地向荷理活道方向望, 當年嘅理髮店好興作大，明明只係理髮店，都叫自己做美容院，感覺好似比較高大上

小朋友扶住學行車甫甫而行，後面可以見到有雞隻在走動，可以話係名副其實嘅走地雞.  以前嘅人會自己養鷄，由細養到大，過節時劏雞拜神兼做餸, 平過去街市買

位於香港仔香港仔大道香島戲院，80年代中期結業, 現已拆卸並改建為香島大廈.  我曾經喺呢度睇過"黃飛鴻鞭風滅燭"，記憶中當時仲未裝有冷氣, 一路睇電視睇戲一路汗流浹背, 辛苦得要命

尖沙咀疏利士巴利道，前方可見YMCA以及半島酒店，而左前方嘅紅磚屋曾是尖沙咀街坊福利會

六十年代啲嘅荷李活道和樓梯街交界處，右前方係當時好流行，唔入鋪嘅街邊士多

六十年代嘅中環海旁，圖中除咗左邊嘅總商會大廈外, 所有建築物應該都已拆卸並重建

五十年代嘅砵甸乍街, 左邊可以見到西醫梁金齡嘅招牌, 梁金齡係名醫梁智雄嘅尊翁

六十年代上環德輔道中, 此電車站應位於永安百貨公司和中央街市中間¸我真係好鍾意呢啲色彩斑爛，又雜亂無章嘅招牌同埋唐樓

德輔道中與租庇利街交界, 當年中環仲有好多醫寓，但佢哋專科範圍就好得意，王廣發睇跌打，兼治胃氣痛，而葉仲衡就係痔瘡專科

馬料水撐艇仔，一拖三，呢位老哥都好吃力，奇怪嘅係，點解去旅行撐艇仔要打呔着西褲，咁formal嘅行頭

六十年代一班年青人郊遊郊遊時留影，當時仲未有卡式機，有人帶埋支結他去旅行，估計到達目的地之後邊彈邊唱.  好有年青人氣息

六十年代初的德輔道中近今日永安集團大廈處, 唔講唔知, 中原電器可謂百年老店了, 成立於1927年，以分銷及零售電器為主要業務, 現時擁有超過十四間分店.  前方嗰兩間舖頭煙霧彌漫，睇落去應該係啱啱燒完炮仗

六十年代嘅皇后大道東, 肥仔記酒菜，北來順菜館都已淹沒喺時間嘅洪流之中，成張相最搶眼嘅當然係路旁個位着長衫嘅女士，我總覺得5，60年代啲人雖然窮，但出街仍然盡量會着得好體面，呢啲就係當時嘅優雅，亦都係一種信念

灣仔軒尼詩道(左)與駱克道(右)間的史釗域道. 我都唔係好明點解啲人就咁着條睡衭就出街買餸同飲茶，着住條出過街嘅睡衭上床瞓覺，唔怕整污糟張床咩？

荷李活道, 我真係好鍾意呢人車爭路嘅情景，每次睇到呢啲相內心都升起一股暖烘烘嘅感覺

星光行嘅前身, 當時叫做尖沙咀九龍倉遊客中心, 1962年被拆卸,5年後新大廈落成改名為星光行

香港仔大街, 左邊可以見到太白海鮮舫嘅碼頭

永安街, 當時有好多條位於中環皇后大道中同埋德輔道中嘅街道都係以以「永」字為名, 如永樂街、永勝街、永和街及永吉街等。永安街雖然嚴格嚟㫋講只係一條小巷，但街道兩旁全是售賣疋頭衣料的店舖，所以街坊稱為花布街，亦因為很多婦女到這條街買布做衣服，所以又名大姑街，永安街嘅原名反而沒有太多人記得。靚仔嘅時候每逢有得飲，老媽子都會拖住我去女人街買布做長衫，佢去女人街等如今月啲細路去迪士尼咁，樂而忘返，而我則要呆企兩三個鐘頭，着實苦不堪言

離遠已經聞到陣陣臘鴨油香味

 六十年代嘅深水埗基隆街, 其時基隆街已有八珍醬園，不可思議嘅係新西班牙舞廳仍健在

大佛口相當年，時為六十年代, 當年冇法例規定騎綿羊仔一定要戴頭盔

七十年代初德輔道中同埋急庇利街交界處, 可以見到我嘅老朋友三興粥麵，估計應該啱啱由域多利皇后街搬到此處不久

位於上環德輔道中嘅新世界戲院, 於 1921 年 7 月開幕，戲院建於原進出口辦公室的舊址上，由利特爾、亞當斯和伍德先生設計。1921 年 7 月 15 日香港日報社發表的一篇文章對戲院作了簡明扼要的描述：“新戲院仿照倫敦鈀金的線條，是一座寬敞的建築物，在建造過程中花費了大量的心思。電風扇一應俱全，舒適涼爽，照明及消防設備均為最新型. 可容納約900人的座位，座位安排得讓每個人都能看到屏幕".  戲院號稱是“香港最現代化的電影宮”，並在其廣告中強調“完全英式管理”, 另外戲院每當放映默片時¸都有專人解畫以至音樂伴奏。新世界戲院早年由香港遊樂有限公司管理，惟因經營不善於1935年7月關閉。港府於1936年接管戲院並於同年重新開放。1941 年 12 月日軍佔領香港後被逼關閉，並於 1942 年重新開放, 在日佔時代，只有經過日本軍隊審查的電影才能在戲院放映。新世界戲院於1944年8月20日停電後再次被逼關閉，並於1944年10月16日恢復供電後重新開放。 1947 年 1 月 6 日，戲院大堂曾發生爆炸事故. 新世界戲院於 1955 年2月關閉，於 1956 年 11 月 第四度重開, 並於1960 年安裝空調。新世界戲院最終於1969年6月結業，其後於1971年1月以恆星戲院之名重新開業。 1981 年 9恆星戲院結業, 戲院和毗鄰的海事處大樓原址合併重建為無極限廣埸

六十年代嘅沙田火車站，可見當時車站甚為開放，小販可以隨意入內擺賣，乘客嘅神態顯得甚為悠然自得，無他, 當年每班車相隔時間甚長，急都冇用

灣仔在七十年代以前的橫街，由盧押道,柯布連道,史釗域道,杜老誌道以至馬師道，都密密麻麻地滿佈大牌檔，大牌檔當然是勞動階層解決兩餐的首選，但由於灣仔報館, 雜誌社林立, 故此亦有不少文人雅士光顧，大家排排坐下來吃東西，無份彼份，這是當年一度絕妙風景，惟當時的港英政府為高地價政策護航, 有計劃將大牌檔消滅，用銀彈鼓勵檔主將牌照交出，加上牌照一代化，很多檔主無奈地接受，至使香港的牌檔飲食文化被消滅迨盡

山上密麻麻擠滿木屋，此處應是北角天后廟道後山

香港仔海旁風情，多寶啤酒？我真係見少識寡，完全未聽過呢隻牌子嘅啤酒，佢嘅廣告仲得意，一杯在手，老少歡顏，即係鼓勵細路仔後生仔都飲啤酒啫，啤酒當汽水賣，當年嘅廣告手法同今日真係不可同日而語

依稀往夢似曾見 (1)

Good morning, yesterday

You wake up and time has slipped away

And suddenly it's hard to find

The memories you left behind

Remember, do you remember?

The laughter and the tears

The shadows of misty yesteryears

The good times and the bad you've seen

And all the others in between

Remember, do you remember 

The times of your life?

Reach out for the joy and the sorrow

Put them away in your mind

The memories are time that you borrow

To spend when you get to tomorrow

Here comes the saddest part 

The seasons are passing one by one

So gather moments while you may

Collect the dreams you dream today

Remember, will you remember

The times of your life?

Gather moments while you may

Collect the dreams you dream today

Remember, will you remember

The times of your life?

金鐘道“死亡彎角” 五十年代仲未拉直路面前, 此路段被稱為金鐘道“死亡彎角”

孭細佬妹，唔係女仔專責，男仔都要做

未來奧運乒乓波選手？有冇喺徙置區樓下石波枱打過波?

六十年代電車司機趁到筲箕灣總站時利用小得可憐嘅午飯時間坐喺樓梯邊食午餐

六十年代尖沙咀火車站內乘客等候區, 讀中學嘅時候，同朋友去新界旅行，都係喺尖沙咀火車站集合，然後浩浩蕩蕩坐火車入新界，呢度俾咗我好多美好嘅回憶

我諗冇乜人會認得呢座建築物, 呢個係彌敦道旺角警署, 建於1919年, 現址已改建為政府貿易處大廈

六十年代油蔴地甘肅街廣智戲院, 聽說廣智戲院除了放映電影外, 星期日早上會有宗教團體喺塲內舉行佈道會，散塲後仲會有奶粉、餅乾派, 吸引唔少窮苦人家入埸聽道理

幾個細路仔匿埋喺紙箱度當係車, 咁都可以玩餐飽,，足見當年生活真係好樸素簡單，少少嘢都可以開心大半日

五十年代過年燒炮仗，細路仔就最開心. 我記得有年嘅年初一跟屋企過海拜年，喺佐敦道碼頭嘅巴士站俾一個電光炮迎面掟過嚟，喺我塊面前幾吋爆炸，個炮仗再掟過些少我可能就已經變咗獨眼

四十年代彌敦道九龍巴士總部, 現址已改建為始創中心

六十年代牛頭角巴士總站嘅員工茶水檔, 當年巴士司機得短短半小時用膳時間，茶水檔遂成為司機們不二之選。茶水檔經營權由巴士公司公開招標，以茶餐廳形式經營，供應嘅膳食種類雖然較坊間一般茶餐廳少；然而由於營運成本較低，食物亦相對便宜, 甚受司機們歡迎, 故此經營茶水檔曾是一門不錯的生意

讀書又唔見你哋咁勤力

位於中環干諾道中海事處總部, 建於1927年, 八十年代初拆卸，連同後面嘅恒星戲院一併改建成為今日嘅無極限廣場

你試過咁樣玩過未？我真係試過, 老媽子有架差唔多同款嘅衣車，追隨咗佢起碼五十年，我靚仔嘅時候好鍾意坐喺衣車下便嘅腳踏板搖來搖去，感覺好似喺遊樂場玩緊一人搖搖板

四十年代末中環海旁一帶, 當時仍未大規模填海，可見卜公碼頭和天星碼頭，右邊遠處的建築物是舊香港會

六十年代街頭經常可見嘅走鬼鏡頭，而家睇嚟好似好滑稽，但身處其境，都咪話唔驚險緊張; 小販推住木頭車橫衝直撞，路人則爭相左閃右避，以免輕則被木頭木頭車撞傷，重則若碰上熟食車仔翻車，便可能會被滾油燙傷，情況可大可小

六十年代初山頂盧吉道風情, 十足十一張甫土咭

五十年代中環，左邊遠處係告羅士打行, 右邊則為舊太子行

恒生銀行總部嘅 "前世"; 中環消防局

五十年代嘅旺角大世界戲院, 現已改建為百匯軒

六十年代中環皇后大道中向西望，右邊可見龍子行，茂昌，亞洲鞋等老友記

大笪地食東風螺，摻啲甜醬麻油，簡直係人間美味

由雀仔橋國家醫院入口處向東望,  圖正中遠處人字頂的高樓，應該嘅近荷李活道往皇后大道西交界處嘅高陞大樓。 橋底逾百年的公廁在卅年前封了, 目前香港碩果僅存嘅地下公廁位於皇后大道中和威靈頓街交界處

五十年代由德輔道中永安公司向東望，左邊可見到新世界戲院, 新世界戲院七十年代初改建為恒星戲院，戲院1982年初被拆卸，1987年後重建為無限極廣場. 我曾經喺恒星戲院睇過套悶到我喊嘅"西線無戰事"

六十年代皇后大道中和水坑口交界處向東望，近鏡頭處即為有記合燒臘，而鏡記麵廠則已遷往灣仔太和街多年了

七十年代由皇后大道中和威靈頓街交界處向東望向得雲茶樓.  得雲茶樓於1992年得雲結業, 原址改建為新紀元廣塲，結業時老板於店門外貼啟事曰：「花開自然花落，明月幾見常圓。盛筵無有不散，歡歡樂樂收場」盡顯老闆灑脫不群嘅人生觀, 與梁蘇記結業啟事有異曲同工之妙

人頭湧湧嘅閣麟街，左邊可以見到大華公司國貨公司嘅入口，七，八年代老媽子星期六日都會逛大華，除幫襯長駐門口嘅線面婆外, 佢亦好鍾意行2樓嘅超市同埋3樓嘅服裝部，好多時候我哋會約喺呢個門口等，然後行落電車路三興食粥同埋雲吞麵

六十年代嘅火燭車，呢度係中環消防總局， 七十年代尾改建為恒生總行